Кіраўнік МЗС Польшчы: Я зачыню ўсе расійскія консульствы, калі Масква працягне дыверсіі
Радаслаў Сікорскі нагадаў, што ў дачыненні да расійскіх дыпламатаў ужо былі ўведзеныя абмежаванні на перамяшчэнне па тэрыторыі Польшчы, паведамляе Польскае радыё.
Міністр замежных спраў Польшчы заявіў, што зачыніць усе расійскія консульствы ў краіне, «калі Масква працягне здзяйсняць дыверсіі». Такім чынам кіраўнік польскай дыпламатыі пракаментаваў закрыццё польскага консульства ў Санкт-Пецярбургу.
У інтэрв'ю тэлеканалу TVP World Радаслаў Сікорскі нагадаў, што ў дачыненні да расійскіх дыпламатаў ужо былі ўведзеныя абмежаванні на перамяшчэнне па тэрыторыі Польшчы.
«Гэтага было для іх дастаткова — даць ім зразумець, што мы ведаем, чым яны займаюцца. Таму мы распачалі наступны крок, і калі дыверсіі і тэрарызм працягнуцца, я закрыю ўсе астатнія расійскія консульствы ў Польшчы», — сказаў кіраўнік польскага МЗС.
Раней стала вядома, што Расія закрыла польскае консульства ў Санкт-Пецярбургу ў адказ на закрыццё расійскай дыпмісіі ў Познані. Масква расцаніла такія дзеянні як «варожую палітыку ў дачыненні да Расіі».
Адначасова тры супрацоўнікі польскага консульства былі абвешчаныя непажаданымі асобамі на тэрыторыі Расійскай Федэрацыі і павінны пакінуць Расію да 10 студзеня. На тэрыторыі РФ застаюцца два генеральныя консульствы — у Іркуцку і Калінінградзе, а таксама консульскі аддзел пасольства ў Маскве. Пасля закрыцця расійскага консульства ў Познані, у Польшчы засталося два дыппрадстаўніцтвы — у Кракаве і Гданьску.
Польшча адклікала дазвол на працу расійскага консульства ў Познані праз акты сабатажу, як мяркуецца арганізаваныя Масквой, уключаючы хакерскія атакі і падпалы ва Уроцлаве.
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары