Намеснік міністра энергетыкі Дзяніс Мароз 19 снежня заявіў на прэс-канферэнцыі ў БелТА, што за год колькасць электрамабіляў у Беларусі моцна павялічылася.
«Калі да канца мінулага года гэтая лічба набліжалася да 10 тысяч штук, то на гэты момант па выніках 11 месяцаў колькасць электрамабіляў у краіне больш за 21 тысячу. І эксперты прагназуюць, што да канца года гэтая лічба можа наблізіцца да 24 тысяч», — адзначыў чыноўнік.
Паводле яго слоў, павелічэнне колькасці электрамабіляў стварае пэўны рынак збыту электраэнергіі ўнутры краіны.
«І мы ў гэты момант назіраем таксама больш чым двухразовы рост спажывання электрычнай энергіі на запраўку электрамабіляў», — дадаў Мароз.
Намеснік міністра паабяцаў, што сеткавая структура для задавальнення гэтых патрэбаў будзе развівацца. У Беларусі вырабляюцца электразарадныя станцыі, ствараюцца аператары па развіцці электразараднай інфраструктуры. На сёння ў Беларусі ўжо ёсць 1200 зарадных станцый.
За год машына страціла амаль палову цаны. Уласнікі электрамабіляў скардзяцца, што іх машыны імкліва таннеюць
Яшчэ адзін сусветны аўтавытворца назваў памылкай стаўку на электрамабілі
Акадэмія навук: Мы можам спраектаваць электрарухавік не горшы чым «Тэсла», але гэта бессэнсоўна
Як барацьба за экалогію і санкцыі прывялі еўрапейскі аўтапрам да крызісу
У Беларусі паставяць больш за 30 суперхуткіх зарадак для электрамабіляў
«Анліфаншчыца з Пінска» кажа, што яна не анліфаншчыца і не ў рабстве ў М'янме6
Каментары