Славацкі прэм'ер заявіў, што Зяленскі прапанаваў яму 500 мільёнаў еўра за падтрымку членства Украіны ў НАТА
А грошы меркавалася ўзяць з расійскіх актываў, піша Украінская праўда са спасылкай на Politico.
Роберт Фіца сцвярджае, што падчас сустрэчы з Зяленскім на саміце Еўрапейскага Саюза яны абмяркоўвалі фінансавыя страты Славакіі праз спыненне транзіту расійскага газу.
«Фіца сказаў, што пасля таго, як ён паведаміў Зяленскаму, што Славакія можа губляць блізу 500 мільёнаў еўра платы за транзіт газу ў год, украінскі прэзідэнт «спытаў мяне, прагаласаваў бы я тады за сяброўства ў NATO, калі ён дасць мне 500 мільёнаў еўра расійскіх актываў, і, вядома, я сказаў: «Ніколі», — кажа Фіца.
Фіца заявіў журналістам, што прапановы Зяленскага зробленыя за зачыненымі дзвярыма, з'яўляюцца «абсурднымі», і выказаў здагадку, што Украіна дазволіла сабе нанесці шкоду эканоміцы чальца ЕС.
«Мы відавочна сутыкаемся з газавым крызісам дзякуючы прэзідэнту Зяленскаму», — сказаў прэм'ер Славакіі падчас прэс-канферэнцыі напярэдадні саміту, не ўдакладняючы, што мае на ўвазе.
Цяпер чытаюць
Былы міністр культуры Руслан Чарнецкі знайшоў сабе падпрацоўку8
Каментары