Прэм'ер-міністр Арменіі Нікол Пашынян заявіў, што не возьме ўдзелу у нефармальным саміце СНД, які пройдзе сёння ў Пецярбургу, праз станоўчы тэст на каранавірус. Рашэнне аб прысутнасці на саміце ЕАЭС пакуль не прынята, піша РІА «Навіны».
У фэйсбуку Пашынян паведаміў, што ў мінулы панядзелак атрымаў станоўчы вынік тэсту на кавід. Два дні прэм'ер, паводле яго слоў, правёў у самаізаляцыі ў сваёй рэзідэнцыі, а ў сераду, атрымаўшы адмоўны вынік, вярнуўся да звычайнага працоўнага графіку.
«Пасля кансультацый з калегамі я не буду ўдзельнічаць у нефармальным саміце лідараў краін СНД, які пройдзе сёння ў Санкт-Пецярбургу», — дадаў Пашынян.
Прэм'ер-міністр Арменіі паабяцаў да канца дня прыняць рашэнне адносна ўдзелу ў пасяджэнні Вышэйшага эканамічнага савета ЕАЭС, якое павінна адбыцца ў чацвер.
Цяпер чытаюць
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні8
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў44
Каментары