Ігар Кулей правёў апошнюю перадачу на «Белсаце» і пайшоў з канала
Журналіст учора пакінуў канал, абвясціўшы пра гэта ў эфіры праграмы «Тыдзень».
«Сёння я правёў свой апошні эфір на Белсаце. Пасля амаль 10 гадоў працы, мяне выціснулі адтуль хлуснёй і пагрозамі. Нягледзячы на адназначную пазіцыю Еўрапейскай федэрацыі журналістаў аб недапушчальнасці такіх дзеянняў, у тым ліку персанальна ў адносінах да мяне, кіраўніцтва працягнула ціск і кампанію па дэзынфармацыі. Я не хачу цярпець пагрозы ў стылі: калі ты хочаш далей нармальна працаваць на Белсаце, я раю табе не расказваць, за што мы звольнілі цябе з пасады кіраўніка рэдакцыі. Мне ў жыцці хапае іншых пагрозаў за сваю журналісцкую дзейнасць», — напісаў ён у фэйсбуку.
Ён адзначыў, што з першага дня працы на Белсаце адчуваў, што гэта яго справа.
«Бывала неверагодна цяжка, здараліся моцна непрыемныя моманты. Але пазітыву было значна болей. Мы з каналам глядзелі ў адзін бок і рухаліся ў адным накірунку, і гэта было для мяне галоўным. Зараз гэтага адчування больш няма.
У мяне асабіста і ў людзей, якіх прызначылі вызначаць далейшы лёс Белсата, розны набор каштоўнасцяў, рознае разуменне маралі. А тым болей, не магу пасміхацца і махаць ручкай, калі бачу, як людзі, якія нічога не ведаюць пра Беларусь і беларускія СМІ і задаюць пытанні: «Колькі сюжэтаў на тыдзень вы здымаеце ў Менску?» — сваімі некампетэнтнымі рашэннямі зводзяць ролю адзінага сапраўднага беларускага тэлеканалу да ютуб-блогу», — дадаў ён.
«На гэтым тыдні дырэктар Міхал Бранятоўскі сказаў у размове з выданнем Onet.pl, што ён прапанаваў узначаліць Белсат мне і Аліне Коўшык, і ў выніку выбраў Аліну. Але гэта цалкам разыходзіцца з рэчаіснасцю. Ніякага выбару паміж намі не было і не магло быць. Я адмовіўся ад ягонай прапановы ўзначаліць Белсат на той жа самай першай сустрэчы, 29 ліпеня. Адмовіўся пасля таго, як пачуў, як TVP збіраецца паступіць з дырэктарам Белсата Аляксеем Дзікавіцкім. І да гэтага дадаў, што не хачу быць чалавекам, які будзе рэзаць Белсат і праводзіць істотныя скарачэнні. Тое, што адбылося ў наступныя 4 месяцы, цягне на новы сезон «Гульні тронаў», але гэта таксама асобная гісторыя», — расказаў ён.
У пачатку снежня Ігара звольнілі з пасады кіраўніка рэдакцыі навін «Белсата».
Бацькі дзяўчынкі, якой сабралі на лячэнне амаль 2 мільёны даляраў, вырашылі не рабіць уколу9
Каментары
Яая нават не дамаглася адкрыцця беларускіх класаў у Польшчы і Літве
Німа ніякіх асабістых " предпочтеній" .Амаль ніцікавілся " Белсатам" як замежнай кампаніяй вяшчання з сваімі задачамі .