Расія вывела караблі свайго Вайскова-марскога флоту (ВМФ) з Чорнага і Азоўскага мораў, паведамілі ВМС Украіны. Па стане на 06:00 9 студзеня такія судны ў гэтых акваторыях адсутнічалі. Пры гэтым у Міжземным моры працягваюць курсіраваць сем расійскіх баявых караблёў, два з якіх з'яўляюцца носьбітамі крылатых ракет «Калібр».
8 студзеня прэс-сакратар ВМС Украіны Дзмітрый Плецянчук заявіў, што Расія канчаткова адмовілася ад рамонту свайго флоту ў анексаваным Крыме праз пагрозу страт у выніку нападаў. Ён нагадаў, што УСУ знішчылі малы ракетны карабель (МРК) «Цыклон» у Севастопальскай бухце, нанеслі два ўдары па падводнай лодцы «Растоў-на-Доне» і яшчэ адзін — па МРК «Аскольд» у Керчы.
«Гэтыя прыклады паказваюць расіянам, што выкарыстоўваць Крым для рамонту судоў немагчыма ў прынцыпе», — адзначыў Плецянчук.
Пасля пачатку вайны Украіна, не маючы ўласнага флоту, здолела з дапамогай ракет і марскіх беспілотнікаў пашкодзіць або знішчыць як мінімум 27 караблёў і адну падлодку ВМФ Расіі. З 15 дэсантных караблёў і катараў, якія былі ў Чорным моры ў лютым 2022 года, на хаду засталіся толькі пяць. У тым ліку УСУ паразілі вялікія дэсантныя караблі «Аленягорскі гарняк», «Мінск», «Саратаў», «Новачаркаск» і «Цэзар Кунікаў». Таксама быў знішчаны флагман Чарнаморскага флоту — ракетны крэйсер «Масква».
ЗША вымусілі Кітай закрыць свае буйныя порты для расійскага «ценявога флоту»
Расія выношвае планы захопу краін Балтыі, часткі Фінляндыі і Нарвегіі. НАТА змяняе планы процідзеяння ёй
Расійскія вайсковыя караблі пакінулі базу ў сірыйскім Тартусе
Элітная 155-я брыгада Ціхаакіянскага флоту Расіі страціла 80% складу пад Вуглядарам
У гадавіну смерці Жанны Фрыске Дзмітрый Шэпелеў распавёў, чаму не дазваляе сыну бачыцца з яе сваякамі16
Каментары
Насамрэч гэта добрая навіна, бо назад праз Басфор гэтыя караблі туркі ўжо не прапусцяць, як дагэтуль яны не прапускалі, бо такія ўмовы, што падчас вайны праход у Чорнае мора праз Басфор ваеным караблям зачынены.