Грамадства1818

Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?

Аляксандр Дарагакупец атрымаў пяць з паловай гадоў калоніі, і ад яго патрабуюць яшчэ $640 тысяч штрафу.

Аляксандр Дарагакупец з жонкай Марыяй. Фота з ягонай старонкі Укантакце

Аляксандру Дарагакупцу 44 гады. Ён родам з Іванава (беларуская гістарычная назва Янава) Брэсцкай вобласці. Па звестках ініцыятывы Digital intelligence team, у Беларусі толькі адзін чалавек такога ўзросту з такім імем.

Па звестках «Белпол», з 2002 па 2008 гады ён працаваў інжынерам-сістэматэхнікам у фірме «Конфі», якая оптам прадавала мяса і мясныя вырабы. Пасля, з 2008 па 2010 гады, працаваў ва ўніверсітэце МІТСО, а па стане на 2013 быў запісаны як індывідуальны прадпрымальнік. Далейшы працоўны шлях Аляксандра невядомы.

У Аляксандра ёсць жонка і двое дзяцей. Сям'я мужчыны жыве ў Іванаве.

Аляксандр Дарагакупец, фота з ягонай старонкі Укантакце

Аляксандра Дарагакупца затрымалі не пазней за жнівень 2024 года. Яго судзілі па пяці артыкулах крымінальнага кодэкса — «саўдзел у распальванні варожасці» (ч. 6 арт. 16 і ч. 3 арт. 130 КК), «удзеле ў экстрэмісцкім фарміраванні» (ч. 3 арт. 361-1 КК), «фінансаванні экстрэмісцкай дзейнасці» (ч. 1 і ч. 2 арт. 361-2 КК), «фінансаванні вайны» (ч. 2 арт. 361-3 КК) і «садзейнічанні экстрэмісцкай дзейнасці» (ч. 1 і ч. 2 арт. 361-4 КК).

@nashaniva Беларус выплаціў вялікія грошы, але яго ўсё роўна арыштавалі #беларусь #мова #нашаніва #белорусы #минсксейчас #новостибеларуси ♬ Crime Scene - Avery Alexander

Сярод іншага, ён пералічыў не менш за 11 тысяч рублёў Палку Каліноўскага і іншым беларускім ініцыятывам. Яму пагражала да 12 гадоў калоніі.

Паведамляецца, што Дарагакупец перавёў $600 тысяч дзіцячым дамам і бальніцам — у якасці «кампенсацыі» за данаты. Але ў выніку яму прысудзілі жорсткае пакаранне — 5 гадоў і 6 месяцаў калоніі і штраф памерам 50 тысяч базавых велічыняў (2,1 мільёна рублёў).

Судзіў яго суддзя Брэсцкага абласнога суда Андрэй Сіз. Раней ён узначальваў суд Любанскага раёна.

Андрэй Сіз. Фота: med-luban.by

«Наша Нiва» — бастыён беларушчыны

ПАДТРЫМАЦЬ

Каментары18

  • Чаркашкварка
    13.01.2025
    Аксыёма: не вер лукафашыстам i iх гiтлеру.
  • ФСБ
    13.01.2025
    Главное не волнуйтесь,крипта и телеграм всё так же остаются анонимными.
  • Хрыч
    13.01.2025
    Кто? Сказочный и..т

Цяпер чытаюць

Каго з бізнэсменаў Лукашэнка паклікаў да сябе на нараду? Была і заснавальніца Wildberries9

Каго з бізнэсменаў Лукашэнка паклікаў да сябе на нараду? Была і заснавальніца Wildberries

Усе навіны →
Усе навіны

Вячорка: Ні прызначэнне Дзікавіцкага, ні прызначэнне Коўшык з намі не ўзгаднялася4

Яўген Дудкін: Я быў сакрэтным супрацоўнікам КДБ. Але толькі да 2016 года33

Новы рэкорд? Тавараабарот паміж Расіяй і Беларуссю працягвае расці4

Russia Today праводзіць у Мінску школу для журналістаў. Прыехаў і Прыдыбайла7

Трамп хоча спыніць агонь ва Украіне да Вялікадня13

У Курскай вобласці УСУ разбілі калону расійскай элітнай брыгады пад сцягамі СССР16

У Саудаўскую Аравію прыляцела ўкраінская дэлегацыя4

Марзалюк пра новы гістарычны музей: Сустракаць наведвальнікаў будуць самыя важныя ў нацыянальнай гісторыі асобы11

Як выраслі цэны ў Беларусі за апошнія чатыры гады

больш чытаных навін
больш лайканых навін

Каго з бізнэсменаў Лукашэнка паклікаў да сябе на нараду? Была і заснавальніца Wildberries9

Каго з бізнэсменаў Лукашэнка паклікаў да сябе на нараду? Была і заснавальніца Wildberries

Галоўнае
Усе навіны →

Заўвага:

 

 

 

 

Закрыць Паведаміць