Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
Alaksandr Darahakupiec atrymaŭ piać z pałovaj hadoŭ kałonii, i ad jaho patrabujuć jašče $640 tysiač štrafu.
Alaksandru Darahakupcu 44 hady. Jon rodam ź Ivanava (biełaruskaja histaryčnaja nazva Janava) Bresckaj vobłaści. Pa źviestkach inicyjatyvy Digital intelligence team, u Biełarusi tolki adzin čałaviek takoha ŭzrostu z takim imiem.
Pa źviestkach «Biełpoł», z 2002 pa 2008 hady jon pracavaŭ inžynieram-sistematechnikam u firmie «Konfi», jakaja optam pradavała miasa i miasnyja vyraby. Paśla, z 2008 pa 2010 hady, pracavaŭ va ŭniviersitecie MITSO, a pa stanie na 2013 byŭ zapisany jak indyvidualny pradprymalnik. Dalejšy pracoŭny šlach Alaksandra nieviadomy.
U Alaksandra jość žonka i dvoje dziaciej. Siamja mužčyny žyvie ŭ Ivanavie.
Alaksandra Darahakupca zatrymali nie paźniej za žnivień 2024 hoda. Jaho sudzili pa piaci artykułach kryminalnaha kodeksa — «saŭdzieł u raspalvańni varožaści» (č. 6 art. 16 i č. 3 art. 130 KK), «udziele ŭ ekstremisckim farmiravańni» (č. 3 art. 361-1 KK), «finansavańni ekstremisckaj dziejnaści» (č. 1 i č. 2 art. 361-2 KK), «finansavańni vajny» (č. 2 art. 361-3 KK) i «sadziejničańni ekstremisckaj dziejnaści» (č. 1 i č. 2 art. 361-4 KK).
@nashaniva Biełarus vypłaciŭ vialikija hrošy, ale jaho ŭsio roŭna aryštavali #biełaruś #mova #našaniva #biełorusy #minsksiejčas #novostibiełarusi ♬ Crime Scene - Avery Alexander
Siarod inšaha, jon pieraličyŭ nie mienš za 11 tysiač rubloŭ Pałku Kalinoŭskaha i inšym biełaruskim inicyjatyvam. Jamu pahražała da 12 hadoŭ kałonii.
Paviedamlajecca, što Darahakupiec pieravioŭ $600 tysiač dziciačym damam i balnicam — u jakaści «kampiensacyi» za danaty. Ale ŭ vyniku jamu prysudzili žorstkaje pakarańnie — 5 hadoŭ i 6 miesiacaŭ kałonii i štraf pamieram 50 tysiač bazavych vieličyniaŭ (2,1 miljona rubloŭ).
Sudziŭ jaho sudździa Bresckaha abłasnoha suda Andrej Siz. Raniej jon uznačalvaŭ sud Lubanskaha rajona.
«Naša Niva» — bastyjon biełaruščyny
PADTRYMAĆŠto za «Sihma boj»? Hetaj virusnaj pieśniaj zaniepakoilisia ŭ Jeŭraparłamiencie13
Kamientary