Эканоміка55

Працоўныя мігранты праблемы эканомікі Беларусі не вырашаць, і Лукашэнка пачаў гэта разумець. Меркаванне Чалага

«У краіну людзі імігруюць па дзвюх прычынах. Але ў нас няма ні таго, ні другога».

Нядаўна Аляксандр Лукашэнка назваў выклікам вымушаную міграцыю людзей. Праўда, гаварыў ён не пра беларусаў, якія з'язджаюць з краіны, а замежнікаў, якія прыязджаюць працаваць.

«Падцягваюцца людзі, якія хочуць жыць, працаваць, зарабляць і нейкую капейку пасылаць на радзіму, каб пракарміць сваіх дзяцей. Але ўся бяда ў тым, што гэтыя людзі далёкія ад тых спраў, якія мы вырашаем. Яны некампетэнтныя. Яны прафесійна не падрыхтаваныя», — заявіў Лукашэнка.

Эканаміст Сяргей Чалы ў новым выпуску сваёй праграмы пракаментаваў гэтыя словы:

«Нічога сабе, вось так вось па эмігрантах. Ну добра, ад Трампа можна такое пачуць, што туды [у ЗША] «Мексіка пасылае толькі сваіх злачынцаў і гвалтаўнікоў».

Па словах эканаміста, гэтыя словы — першае прызнанне на ўзроўні Лукашэнкі таго, што «ідзе skills mismatch у эканоміцы». Так называюць сітуацыю ў эканоміцы, калі навыкі, якімі валодаюць работнікі, не адпавядаюць патрабаванням рынку працы. У выніку ў эканоміцы недахоп работнікаў, хоць і ёсць прыток працоўнай сілы.

Чалы заўважае, што пра гэту праблему даўно гаварылі. Ён нагадвае словы намесніцы міністра эканомікі Беларусі Таццяны Бранцэвіч:

«Некаторыя краіны кампенсуюць недахоп нацыянальных працоўных рэсурсаў за кошт міграцыі. Досыць распаўсюджаная стратэгія. Але неадназначная з пункту гледжання выніку. Проста праз тое, што для прарыўнога развіцця неабходныя кваліфікаваныя кадры. А іх, па вялікім рахунку, не хапае і ў большасці краін — патэнцыяльных рэцыпіентаў.

Таксама існуюць цяжкасці з адаптацыяй мігрантаў з далёкіх рэгіёнаў. Іх паўнавартаснае інтэграванне ў новае культурнае асяроддзе патрабуе і часавых, і фінансавых, і маральных высілкаў».

Чалы тлумачыць, чаму працоўныя мігранты не змогуць вырашыць праблемы недахопу кваліфікаваных кадраў на рынку працы Беларусі:

«У краіну людзі імігруюць па дзвюх прычынах (калі толькі гэта не тыя, хто бяжыць ад вайны) — гэта ці працаваць і жыць лепш, чым у сябе на радзіме, ці ехаць па «вэлфер» (welfare, сацыяльныя выплаты. — НН). У першым выпадку, гэта як правіла, Амерыка, у другім — Еўропа. Але ў нас жа няма ні таго, ні другога».

Днямі Лукашэнка зноў паблажліва выказаўся пра мігрантаў з Усходу.

«Хочаш запрасіць таджыкаў, узбекаў, казахаў, сірыйцаў, афганцаў, любых людзей, запрашай. Але ты павінен ведаць, што гэта за людзі і што яны табе патрэбныя на гэтым месцы і могуць гэтую аперацыю ажыццяўляць. Не ўмеюць — навучы. Але ты за гэты дзясятак-дваццаць чалавек павінен галавой адказваць», — запатрабаваў палітык.

Але пасля на сайце Лукашэнкі замест цытаты з пералікам нацыянальнасцяў напісалі, што гаворка пра безаблічных «замежных грамадзян».

Каментары5

  • Не Чалы
    17.01.2025
    Чалому пора бы обратно вернуться в команду Лукашенко, раз он так хорошо трактует слова своего первого босса, на которого Чалый работал во время предвыборной кампании 94 года.
  • Барадзед
    17.01.2025
    Отстающая в экономическом развитии РБ сама становится источником рабочей силы для соседних стран. Даже в Армении зарплаты выше.
  • Вожык патрыёт
    18.01.2025
    Не Чалы, i што? Калi тое было?

Цяпер чытаюць

Цэнтральную ролю ў арганізацыі перамоваў з амерыканцамі адыграў муж Наталлі Пяткевіч. Чаму ён?

Цэнтральную ролю ў арганізацыі перамоваў з амерыканцамі адыграў муж Наталлі Пяткевіч. Чаму ён?

Усе навіны →
Усе навіны

Вольга Лойка: Я не вельмі веру ў перспектывы міністра Маркава дастаць паўнамоцтвы з-пад ААЦ3

Уладальнік гродзенскай этна-крамы «Цудоўня» ў СІЗА2

Праўладны спявак дамовіўся, каб у туалеце кавярні гучала яго песня9

Пяць высноў з Мюнхенскай канферэнцыі па бяспецы, якая ўвойдзе ў гісторыю20

Яўген Дудкін патлумачыў, чаму стаў сакрэтным агентам КДБ25

Пазняк вітае магчымую здзелку «вызваленне палітвязняў» у абмен на санкцыі77

Вячорка: Ні прызначэнне Дзікавіцкага, ні прызначэнне Коўшык з намі не ўзгаднялася4

Яўген Дудкін: Я быў сакрэтным супрацоўнікам КДБ. Але толькі да 2016 года33

Новы рэкорд? Тавараабарот паміж Расіяй і Беларуссю працягвае расці4

больш чытаных навін
больш лайканых навін

Цэнтральную ролю ў арганізацыі перамоваў з амерыканцамі адыграў муж Наталлі Пяткевіч. Чаму ён?

Цэнтральную ролю ў арганізацыі перамоваў з амерыканцамі адыграў муж Наталлі Пяткевіч. Чаму ён?

Галоўнае
Усе навіны →

Заўвага:

 

 

 

 

Закрыць Паведаміць