Мазырскага праваабаронцу Целепуна пакаралі максімальнымі 15 суткамі
Пра затрыманне вядомага ў Мазыры грамадскага дзеяча Уладзіміра Целепуна стала вядома 16 студзеня.
16 студзеня «Гомельская Вясна» паведаміла, што напярэдадні Целяпун планаваў ісці на прыём да суддзі Канстытуцыйнага суда ў мазырскім выканкаме. Але на сустрэчы ён так і не з'явіўся і на сувязь увечары не выходзіў.
Цяпер «Флагшток» даведаўся, што суд над праваабаронцам адбыўся яшчэ 15 студзеня, адразу пасля затрымання. Судзілі мужчыну па артыкуле «распаўсюд экстрэмізму», і прысудзілі яму максімальнае па ім пакаранне — 15 сутак арышту.
Верагодна, улады такім чынам на ўсялякі выпадак не захацелі дапускаць праваабаронцу да ўдзелу ў выбарчай кампаніі. Сёння Уладзімір Целяпун сустракае за кратамі свой 73-ці дзень нараджэння.
Уладзімір Целяпун — ліквідатар аварыі на Чарнобыльскай АЭС і мазырскі праваабаронца, які неаднаразова спазнаваў пераслед з боку сілавікоў.
Цяпер чытаюць
Падпалкоўніка з факультэта вайсковай разведкі судзяць за «здраду дзяржаве» па справе, якая выглядае палітычнай. Што пра яго вядома?2
Каментары