Работніка Мазырскага НПЗ, якога жорстка затрымліваў мінскі ГУБАЗІК, судзяць па дзвюх крыміналках
62-гадоваму Ігару Шуканаву інкрымінуюць удзел у пратэстах і паклёп на Лукашэнку.
26 лютага ў Мазырскім раённым судзе пачынаецца закрыты працэс над 62-гадовым супрацоўнікам лабараторыі інфарматыкі і сувязі Мазырскага нафтаперапрацоўчага завода Ігарам Шуканавым. Яго абвінавачваюць па двух артыкулах.
За «паклёп» на Лукашэнку (ч. 2 арт. 367 КК), звязаны з абвінавачваннем у здзяйсненні цяжкага ці асаблівага цяжкага злачынства, яму пагражае ад хіміі на паўгода жа калоніі на 6 гадоў.
За ўдзел у пратэстах (ч.1 арт. 342 КК) Шуканаву пагражае ад арышту да 4 гадоў калоніі.
Ігара Шуканава паказальна жорстка затрымлівалі 1 жніўня 2024 года. Па яго з Мінска прыехалі губазікаўцы. Яго затрымалі проста на працоўным месцы. Затым заводскім аўтамабілем «УАЗ-Patriot» вывезлі за прахадную завода.
Недалёка ад аўтобуснага прыпынку, на паркоўцы каля галоўнай прахадной завода, дзе ў той час былі людзі, губазікаўцы зладзілі паказальнае збіццё Шуканава — выцягнулі з УАЗа, кінулі тварам на асфальт і, націснуўшы каленам на галаву, надзелі кайданкі.
Адметна, што раніцай таго дня работніка НПЗ судзілі па адміністратыўным артыкуле за распаўсюд «экстрэмізму». Яму далі штраф і вызвалілі — каб праз некалькі гадзін арыштаваць.
«Калі мне прыляціць, я гатовая». Наста Рагатко — пра сэкс-сцэну ў сваёй кнізе, прарасійскіх сваякоў, Гаюн і Матольку32
Каментары