Адміністрацыя прэзідэнта ЗША Дональда Трампа распрацоўвае план па змякчэнні санкцыйнага ціску на Расію ў рамках намаганняў па аднаўленні двухбаковых адносін. Пра гэта паведамляе Reuters са спасылкай на неназванага амерыканскага чыноўніка і крыніцу, знаёмую з сітуацыяй.
Паводле звестак суразмоўцаў агенцтва, Белы дом даручыў Дзярждэпартаменту і Міністэрству фінансаў падрыхтаваць пералік санкцыйных абмежаванняў, якія могуць быць аслабленыя. Гэты спіс будзе абмяркоўвацца з расійскім бокам у найбліжэйшы час у рамках перамоў, накіраваных на паляпшэнне дыпламатычных і эканамічных сувязяў паміж дзвюма дзяржавамі.
Як удакладняе Reuters, ЗША разглядаюць магчымасць адмены санкцый у дачыненні да шэрагу расійскіх юрыдычных і фізічных асоб, уключаючы некаторых алігархаў. Аднак пакуль незразумела, якія менавіта саступкі Вашынгтон можа запатрабаваць ад Масквы ў абмен на гэты крок.
Крыніцы агенцтва адзначаюць, што Белы дом даручыў распрацаваць магчымыя варыянты паслаблення санкцыйнага рэжыму яшчэ да таго, як Дональд Трамп працягнуў дзеянне надзвычайнага становішча ў сувязі з сітуацыяй ва Украіне. Гэты рэжым накладае абмежаванні на актывы і фізічных асоб, якія маюць дачыненне да агрэсіі Расіі супраць Украіны.
Гэтыя санкцыі ўпершыню былі ўведзеныя адміністрацыяй Барака Абамы ў сакавіку 2014 года пасля анексіі Крыма, а пасля яны некалькі разоў пашыраліся, у тым ліку падчас першага прэзідэнцтва Трампа.
Міністр фінансаў ЗША Скот Бесэнт у інтэрвію Bloomberg 20 лютага заяўляў, што перспектывы паслаблення санкцыйнага ціску на Расію будуць залежаць ад яе пазіцыі ў перамовах аб спыненні агню ва Украіне.
Валэнса і лідары «Салідарнасці» звярнуліся да Трампа: Вы паводзілі сябе з Зяленскім як у камуністычным судзе
Латушка: ЗША перасталі быць лідарам вольнага свету
Фрыдрых Мерц заявіў, што канфлікт Зяленскага і Трампа быў загадзя спланаваны амерыканскай адміністрацыяй
Трамп можа ўжо сёння прыняць рашэнне аб поўным спыненні вайсковай дапамогі Украіне
Зяленскі не будзе выбачацца перад Трампам
Каментары