Памёр беларускі мастак-кераміст Аляксандр Зіменка, паведамілі ягоныя знаёмыя ў сацсетках. Яму было 78 гадоў.
Аляксандр Зіменка нарадзіўся 16 кастрычніка 1946 года ў Мінску. У 1970 годзе скончыў Беларускі тэатральна-мастацкі інстытут.
Быў адным са стваральнікаў і галоўным мастаком (з 1995) выдавецтва «Панграф».
Сярод твораў мастака ў кераміцы: кампазіцыі «Злыя каралі» (1975), «Гартаючы старонкі кніг Якуба Коласа» (1982), «Песня травы» (1996), рэльефы «Напалм» (1976), «Беларускія спартыўныя гульні» (1979), трыпціх «Свет Міколы Гусоўскага» (1980).
Аляксандр Зіменка сярод іншага аформіў інтэр'еры будынка ЦК КПБ (1976 год, цяпер рэзідэнцыя Лукашэнкі; паркеты, люстры, дэкаратыўныя агароджы), рэстарана «Беларусь» у Брэсце (1979; манументальная размалёўка «Паляванне ў Белавежскай пушчы»).
Таксама ён ствараў дызайн каштоўных папер, манет, марак, памятных медалёў. Працаваў і ў жывапісе («Партрэт Казіміра Малевіча», «Гарадскі раманс», абедзве 1992).
62‑гадовая бізнэсвумэн і мільянерка Ірына Цярэшчанка падзялілася гісторыяй свайго кахання з мужчынам, на 20 гадоў малодшым за яе6
Каментары