«Капучына ад 9 рублёў у красавіку-маі — цалкам рэальна». Што будзе з цэнамі на каву ў Беларусі
У пятніцу агенцтва Reuters паведаміла, што сусветны гандаль кавай фактычна спыніўся праз рэзкі рост цэн. Паведамлялася, што сусветныя гандляры кавай і абсмажчыкі скарачаюць закупкі да мінімуму, бо галіна перажывае імклівы скачок цэн, які яшчэ не адбіўся на рознічных цэнах. Рост цэн на каву выкліканы скарачэннем вытворчасці ў ключавых рэгіёнах, асабліва ў Бразіліі. А што будзе ў Беларусі? З праблемай разбіраўся Onliner.by.
«Філіжанка капучына павінна была каштаваць 10 рублёў яшчэ ў пачатку года»
Пакуль некаторыя абсмажчыкі і пастаўшчыкі стрымліваюць цэны, адзначае Арцём Пятроў, абсмажчык River Roasters.
— Напрыклад, бразільская кава паўгода таму каштавала для нас $7,5—8 за кілаграм, цяпер — $9,5—10, а ў маі, паводле нашых прагнозаў, дасягне $12. Гэта чыстая цана ў пастаўшчыка, без уліку лагістыкі і іншых выдаткаў. Па сутнасці, за паўгода кошт сыравіны для нас вырас на 50%, але пакуль удаецца трымаць цэны. У найбліжэйшыя два месяцы цэнавага адкату чакаць не варта. У маі чакаем, што абсмажчыкі паднімуць цану да 65 рублёў за бразільскую каву.
Зараз цана маленькага капучына ў Marks і Embassy трымаецца на ўзроўні 7—8 рублёў, але ўжо ў маі гэта будзе ніжняя мяжа рынку. Пакуль што ў нас ёсць запас сыравіны па старых кантрактах, але ў маі прыйдзецца закупляцца па новых, больш высокіх цэнах
«Да канца 2025 года кававыя астраўкі з барыстамі ў бізнэс-цэнтрах могуць знікнуць як фармат»
Заснавальнік сеткі кавярняў «Кофе Саунд» Мікалай Чакаў прагназуе, што ў Мінску кошт кубка кавы ў 8,5—9 рублёў стане рэальнасцю ўжо ў сакавіку. У рэгіёнах цэны таксама вырастуць на 1—2 рублі, але застануцца на 10—15% ніжэй за мінскія.
Рост цэн на каву найбольш крытычны для кавярняў-астраўкоў у бізнэс-цэнтрах і міні-кавярняў да 35 м².
— Калі капучына дасягне 8,5—10 рублёў, многія пастаянныя кліенты такіх кавярняў пачнуць эканоміць і, хутчэй за ўсё, адмовяцца ад штодзённай пакупкі. Такія пункты знаходзяцца ў самай рызыкоўнай зоне. Да канца 2025 года фармат кавярняў-астраўкоў у бізнэс-цэнтрах можа практычна знікнуць і будзе заменены аўтаматызаванымі пунктамі без удзелу чалавека.
Класічныя кавярні з пасадкай і сваёй кухняй застануцца на плаву, бо кліенты плацяць не толькі за каву, але і за атмасферу, сэрвіс і стравы. Таксама ўстойлівымі застануцца кавярні з фіксаванай нізкай цаной.
Месца маленькіх кавярняў і кававых астраўкоў могуць заняць кавярні самаабслугоўвання.
— Мінімальны парог інвестыцый, адсутнасць выдаткаў на барысту і нізкія арэндныя затраты дазволяць утрымліваць больш даступныя цэны. Напрыклад, капучына там будзе каштаваць 4,5—5 рублёў.
Для тых, хто не зможа ці не захоча плаціць за каву 8,5—10 рублёў штодня, гэта можа стаць кампрамісам паміж кавярняй з барыстам і вендынгавым аўтаматам на парашковым малацэ.
Пры гэтым Мікіта падкрэслівае, што, нягледзячы на рост цэн на каву, людзі не перастануць яе піць, проста будуць выбіраць больш даступныя фарматы для штодзённых пакупак — і, такім чынам, на беларускім кававым рынку зменіцца расстаноўка сіл.
Кававым кампаніям цяпер складана заставацца ў зоне рэнтабельнасці»
У кампаніі Sorso, якая прадае свежаабсмажаную каву, адзначаюць, што рэзкія скачкі сусветных цэн прымушаюць шукаць шляхі балансу, каб не працаваць у страту.
— Мы працуем з біржай праз трэйдараў, і ўсе ваганні цэн адбіваюцца на наступных закупках. За апошнія паўтара года зніжэння цэн не было, наадварот, адбываюцца рэзкія скачкі ўверх — за гэты час кошт сыравіны вырас больш чым на 100%.
Рост сабекошту сыравіны на 30% азначае, што для захавання эфектыўнасці трэба павялічыць канчатковы кошт на 15—18%. Аднак рынак не можа прыняць такі рост, інакш людзі проста перастануць купляць каву.
Выснова: людзі не перастануць піць каву, але будуць выбіраць больш даступныя фарматы. Гэта прывядзе да змены сітуацыі на беларускім кававым рынку.
Каментары