Кныровіч: «Удзел у блоку Пракоп’ева-Ягорава платны». Чаму і на што ідуць грошы?
Аляксандр Кныровіч, які вылучаецца ў спікеры Каардынацыйнай рады, у сваім фэйсбуку падзяліўся меркаваннем, як зрабіць КР больш эфектыўнай і незалежнай. Сярод прапаноў — поўная адмова ад грантавага фінансавання (ці пастаноўка яго на паўзу).
Кныровіч упэўнены, што абсалютна рэальна зрабіць так, каб Каардынацыйная рада працавала без прыцягнення фінансавых сродкаў звонку.
У якасці прыкладу ён прыводзіць свой блок Пракоп’ева-Ягорава, удзел у якім, як высветлілася, платны. Аляксандр распавёў: «Мы штомесяц плацім сяброўскія ўнёскі і калектыўна вырашаем, на падтрымку якіх ініцыятыў іх траціць».
«Наша Ніва» папрасіла Аляксандра Кныровіча распавесці, пра якую суму ідзе гаворка і якія ініцыятывы яны падтрымалі.
— Мы збіраем такія ўнёскі з верасня 2024 года, па 10-15 еўра са ўсіх сяброў блоку, куды ўваходзяць не толькі дэлегаты Каардынацыйнай Рады, але і ўдзельнікі спіса (да 30 чалавек). Гэта адносна невялікія сумы, да 500 еўра штомесяц. Зборы накіроўваліся на падтрымку кампаніі па прадастаўленні міжнароднай абароны ў Грузіі, выстаўленне пікетаў на мяжы, разавую дапамогу тым, хто мае патрэбу (напрыклад, былым палітычным зняволеным) і аналагічныя невялікія праекты. Часам запыт на дапамогу большы, чым сабраная сума, і мы ўнутры блока аб'яўляем дадатковы збор. Рашэнне аб накіраванні сродкаў прымаюцца штомесяц галасаваннем.
На пытанне, ці не прасцей было б, каб кожны з удзельнікаў сам падтрымліваў нейкія ініцыятывы, не пералічваючы грошы блоку, Аляксандр Кныровіч адказвае:
— Мы арганізавалі вось такі спосаб аб'яднання намаганняў блока. Пры гэтым мы не абмяжоўваем удзельнікаў ад накіравання асабістых сродкаў на любыя іншыя праекты.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта5
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары