Нямецкі інтэрнэт-партал T-Online спытаў больш за 100 тысяч чалавек, ці купілі б яны сабе Tesla. Больш за 94% рэспандэнтаў адказалі адмоўна, станоўча — толькі 3%, піша Devby.io.
У 2024 годзе продажы Tesla ў Германіі ўпалі на 41% у параўнанні з 2023-м, нягледзячы на тое, што ў цэлым галіна паказала рост у 27%. Дынаміка пачатку 2025-га яшчэ больш сумная: за першыя два месяцы продажы ў краіне абрынуліся на 70% у параўнанні з мінулым годам.
Прычын некалькі: гэта і ўсё большая канкурэнцыя на рынку, і мадэрнізацыя зборачных ліній для выпуску абноўленай Model Y, а асабліва ў апошнія месяцы — незадаволенасць немцаў умяшаннем гендырэктара Tesla Ілана Маска ў мясцовыя парламенцкія выбары і яго падтрымка крайне правай «Альтэрнатывы для Германіі».
Рэпутацыя бізнэсмена ў Германіі пайшла ў крутое піке пасля падобнага да нацысцкага прывітання, якое ён кінуў на інаўгурацыі Дональда Трампа, і правакацыйных пастоў на тэму фашызму. Напрыклад, зусім нядаўна Маск рэпостнуў твіт пра тое, што ўвогуле гэта не Гітлер і Сталін забілі мільёны людзей, а іх падначаленыя.
Продажы амерыканскай кампаніі падаюць не толькі ў Германіі, але і па ўсёй Еўропе, ды і ў астатнім свеце таксама. Тыдзень таму на дапамогу Маску прыйшоў нават прэзідэнт ЗША Дональд Трамп, які дэманстратыўна набыў аўтамабіль Tesla.
На фоне падзення акцый Tesla Трамп набывае машыну ад Ілана Маска
Tesla Ілана Маска страціла 15% рынкавага кошту за адзін дзень
Продажы Tesla у Нямеччыне ўпалі на 76% на фоне скандалаў Маска з неадназначнымі жэстамі і падтрымкай ультраправых
Заклікі да байкоту амерыканскай прадукцыі распаўсюджваюцца ў Паўночнай Еўропе
Цяпер чытаюць
«Я так далёка забралася. Шкада толькі, што не магу паказаць гэта тату». Як жыве дачка Паўла Шарамета праз 10 гадоў пасля яго гібелі2
Каментары