Каля будынка літоўскага Сейма 25 сакавіка прайшла цырымонія ўзняцця беларускага нацыянальнага сцяга. У цырымоніі адзначэння гадавіны падзеі ўзялі ўдзел каля 100 чалавек, у тым ліку Святлана Ціханоўская, прадстаўнікі яе офіса, літоўскія дэпутаты, у тым ліку першы віцэ-спікер Сейму Юозас Олекас, замежныя дыпламаты, прадстаўнікі беларускай дыяспары, піша Радыё Свабода.
Прагучаў беларускі гімн «Мы выйдзем шчыльнымі радамі», хвілінай маўчання прысутныя ўшанавалі памяць тых, хто загінуў за незалежнасць Беларусі.
Святлана Ціханоўская на мітынгу сказала, што вельмі ганарыцца бел-чырвона-белым сцягам, які стаў сімвалам незалежнасці і няскоранасці беларусаў. Яна ўзгадала, як 107 гадоў таму была абвешчана незалежнасць Беларусі ў Мінску, і тады ж афіцыйна з'явіўся яе сцяг, з якім доўга змагаліся «сталіністы і іншыя ворагі беларушчыны».
— Але беларусы яго зноў і зноў выносілі на вуліцы. Я з гонарам гляджу на гэты сцяг. І веру, што пакуль лунае гэты сцяг, пакуль ёсьць беларуская мова, пакуль ёсьць нашы саюзьнікі — такія, як Літва і іншыя краіны Эўропы, ня зьнікне вера, што Беларусь як незалежная краіна адновіцца. Мы пройдзем увесь шлях да свабоды, адродзім нашу прыналежнасць да Еўропы, да якой гістарычна належым, — сказала яна.
Выступаючы з трыбуны Сейма Літвы, Святлана Ціханоўская нагадала, што Літва адной з першых прызнала незалежнасць БНР у 1918 годзе, пазней прыняла першы ўрад у выгнанні, а ў студзені 1991‑га ўжо беларусы разам з літоўцамі баранілі свабоду каля парламента і тэлевежы ў Вільні.
— Беларусы і літоўцы разам удзельнічалі ў вызвольных паўстаннях супраць Расійскай імперыі, разам перажывалі прыгнёт савецкай акупацыі. Нашае сяброўства будуецца не толькі на геаграфіі, але на агульных ідэалах і каштоўнасцях. І сёння, сярод іншага, мы ўшаноўваем гісторыю нашага супольнага змагання за свабоду, — падкрэсліла яна.
— Наша мэта — вырвацца з-пад расійскай акупацыі, з-пад тыраніі Лукашэнкі і вярнуць Беларусь у еўрапейскую сям’ю народаў. Мы разумеем, што вызваленне Беларусі — гэта наша задача і наш абавязак. Але мы не зможам гэтага зрабіць без саюзнікаў.
Да такіх саюзнікаў яна аднесла Літву, і падзякавала ўсім дзеячам, якія падтрымлівалі Беларусь.
Цяпер чытаюць
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў15
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх21
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары