Стала вядома, дзе зараз будзе працаваць чыноўніца, якая спала на інаўгурацыі Лукашэнкі
Блогер Андрэй Павук, даведаўшыся пра звальненне кіраўніцы спраў Гомельскага аблвыканкама Алены Клічкоўскай, датэлефанаваўся ў аблвыканкам, каб удакладніць, што адбылося з чыноўніцай, піша «Флагшток».
Супрацоўніца Кіравання справамі аблвыканкама, якая падняла трубку, адказала, што назаўтра пасля звальнення Алена Клічкоўская нібыта знаходзіцца ў камандзіроўцы:
«У яе сёння апошні дзень. А потым яе ўжо не будзе. Яна пайшла ў прафсаюзы».
Супрацоўніца не ўдакладніла, у якім менавіта прафсаюзе будзе працаваць Клічкоўская, сказаўшы толькі, што яна стане яго старшынёй.
Верагодна, чыноўніца зойме пасаду старшыні Гомельскага абласнога аб'яднання прафсаюзаў, якая заставалася вакантнай пасля адстаўкі Пятра Кірычэнкі, экс-кіраўніка Гомельскага гарвыканкама.
«Флагшток» датэлефанаваўся да абласнога аб'яднання прафсаюзаў — там адказалі, што старшыня яшчэ не прызначаны, але з размовы стала зразумела, што на гэтую пасаду чакаюць менавіта Клічкоўскую.
Супрацоўніца выканкама, якая размаўляла з блогерам, запэўніла, што чыноўніцу не звольнілі — яна «сама захацела», і са сном на інаўгурацыі Лукашэнкі гэта ніяк не звязана: «Чалавек ужо месяц узгадняецца на пасаду».
Звесткі пра тое, што Клічкоўская драмала падчас інаўгурацыі Аляксандра Лукашэнкі, выклікалі шырокае абмеркаванне. Паводле інфармацыі, падчас трансляцыі рэжысёру давялося пераключыць камеру, каб не паказваць чыноўніцу, якая «клюе носам».
Што да новага кіраўніка спраў Гомельскага аблвыканкама, то крыніца, звязаная з аблвыканкамам, пацвердзіла: размовы пра тое, што кіраўніка адміністрацыі Навабеліцкага раёна Аляксея Васючэнку павысяць, хадзілі даўно:
«Тое, што Клічкоўскую планава замянілі пасля сну на інаўгурацыі, цудоўна супала. Іншыя чыноўнікі напружыліся, а ў аблвыканкаме расслабіліся — Кіраўніцтва справамі моцна напружвала калегаў».
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам13
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2020
Каментары