На плошчы Паўстання ў Гомелі дэмантавалі танк Т-34 і павезлі яго на рамонт. Дэмантаж танка заняў каля дзвюх гадзін. Аднак не варта разлічваць, што ў існаванні мемарыяльнага аб'екта на гэтым месцы пастаўлена кропка.
Насамрэч саму плошчу збіраюцца рэканструяваць, а танк адправілі на Гомельскі завод ліцця і нармаляў (ЗЛіН) для рамонту. Пасля правядзення работ яго вернуць назад, паведамляе Гомельскі аблвыканкам.
Рух на плошчы Паўстання будзе закрыты з 15 лютага да 1 чэрвеня. Тут правядуць работы па замене ўчастка цеплавой сеткі. У выніку рэканструкцыі каля стадыёна з'явіцца сквер з лавачкамі, вулічнымі таршэрамі і памятным знакам ахвярам генацыду.
Плошчу вакол Т-34 выкладуць тратуарнай пліткай, у якую ўмантуюць свяцільні. Каля пастамента з танкам з'явяцца кветнікі, некаторыя — у форме пяціканцовых зорак.
Памерла палітзняволеная Алена Панкова. Паўгода назад яе асудзілі за ўдзел у пратэстах7
Каментары