Свет11

Пяскоў назваў умову, пры выкананні якой вайна імгненна завяршылася б

Прэс-сакратар прэзідэнта Расіі Дзмітрый Пяскоў у інтэрв'ю французскаму выданню Le Point заявіў, што вайна ва Украіне можа быць неадкладна спыненая, калі Кіеў пагодзіцца вывесці войскі з тэрыторыі чатырох украінскіх абласцей — Данецкай, Луганскай, Запарожскай і Херсонскай. Гэтыя рэгіёны, часткова акупаваныя расійскай арміяй, Масква называе сваімі.

Alexei Danichev, Sputnik, Kremlin Pool Photo via AP

«Калі б Украіна вывела свае войскі з гэтых чатырох рэгіёнаў, то так. Усе чатыры рэгіёны замацаваныя ў нашай канстытуцыі як неад'емныя часткі Расіі», — падкрэсліў Пяскоў, адказваючы на пытанне пра магчымасць хуткага ўрэгулявання канфлікту.

Пры гэтым адстаўка Уладзіміра Зяленскага, паводле слоў Пяскова, не ўваходзіць у лік патрабаванняў Расіі па Украіне, але любыя падпісаныя ім дакументы, маўляў, могуць быць аспрэчаныя з-за яго «нелігітымнасці».

Раней выданне Financial Times, спасылаючыся на інфармаваныя крыніцы, паведамляла, што Уладзімір Пуцін падчас сустрэчы са спецыяльным прадстаўніком прэзідэнта ЗША Дональда Трампа Стывам Уіткафам нібыта выказаў гатоўнасць замарозіць баявыя дзеянні на бягучай лініі фронту ў рамках магчымага мірнага пагаднення.

Масква, паводле інфармацыі выдання, нібыта згодная адмовіцца ад прэтэнзій на чатыры ўкраінскія рэгіёны ў абмен на прызнанне ЗША анексіі Крыма і дэ-факта — кантролю Расіі над астатняй акупаванай тэрыторыяй. Аднак неўзабаве пасля выхаду матэрыялу Пяскоў назваў публікацыю «фэйкам».

Прэзідэнт ЗША Дональд Трамп 18 красавіка папярэдзіў, што ЗША могуць выйсці з перамоўнага працэсу, калі які-небудзь з бакоў — расійскі ці ўкраінскі — будзе абцяжарваць дасягненне пагаднення. Дзяржсакратар Марка Рубіа неўзабаве адмяніў паездку на сустрэчу з прадстаўнікамі Украіны і краін ЕС у Лондане 23 красавіка. Прычынай, паводле звестак крыніц New York Times, стала адмова прэзідэнта Уладзіміра Зяленскага пагадзіцца з пунктам амерыканскага мірнага плана, які прадугледжвае прызнанне Крыма часткай Расіі.

23 красавіка віцэ-прэзідэнт ЗША Джэй Дзі Вэнс выступіў з заявай, у якой падкрэсліў: спыненне вайны магчымае толькі ў выпадку ўзаемных тэрытарыяльных саступак. Паводле яго слоў, урэгуляванне канфлікту прадугледжвае, што Украіна адмовіцца ад часткі сваёй тэрыторыі, а Расія, у сваю чаргу, верне пэўныя занятыя раёны.

«Неабходна пайсці на тэрытарыяльныя абмены. […] Скласці зброю, замарозіць канфлікт і прыступіць да рэальнага будаўніцтва лепшай будучыні — і для Расіі, і для Украіны», — заявіў Вэнс.

Паводле крыніц выдання Axios, амерыканскі план прадугледжвае, што Расія выведзе войскі з Харкаўскай вобласці, нязначную частку якой яна цяпер кантралюе. Узамен Кіеў павінен юрыдычна прызнаць Крым расійскім і дэ-факта пагадзіцца са стратай амаль усёй Луганскай вобласці, а таксама частак Данецкай, Запарожскай і Херсонскай абласцей.

Каментары1

  • синхронизация
    23.04.2025
    Засинхронизировались с своим союзником из Вашингтона, тот гнобит Зеленского и Украину, а эти хотят съесть, с помощью лапидара, то, чего не могут проглотить....

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

На Кіпры п’яны расіянін прычапіўся да п’янай украінкі. Яе спадарожнікі збілі яго на горкі яблык — можа страціць вока35

«Не можаш ваяваць — дапамагай. Не можаш дапамагаць — не трындзі»: маладая беларуска далучылася да УСУ ў 2026‑м і ваюе дроншчыцай26

Памёр адзін з акцёраў-блізнюкоў з папулярнага фільма «Нянькі»1

Самыя папулярныя браўзеры, сацсеткі і ШІ-пошукавікі ў Беларусі11

Выйшла кніга пра Зянона Пазняка. Яе рыхтавалі больш за 10 гадоў17

Былы расійскі губернатар Гладкоў адмовіўся ад канала з 400 тысячамі падпісчыкаў. У Крамлі былі незадаволеныя яго актыўнасцю

Беларусы незадаволеныя канцэртам «Тату» ў Мінску — бо артысткі спявалі не на рускай мове28

Арына Сабаленка, падобна, нецэнзурна выказалася ў бок украінскай тэнісісткі пасля сваёй паразы37

Дэталі аварыі на Міншчыне, дзе загінулі трое: 21‑гадовага кіроўцу пазбавілі правоў — але рашэнне не паспела ўступіць у сілу

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць