Белы дом пра апошнюю заяву Трампа: у прэзідэнта «заканчваецца цярпенне»
Прэс-сакратарка Белага дома Кэралайн Левіт, каментуючы апошнюю крытычную заяву Дональда Трампа ў бок украінскага прэзідэнта Уладзіміра Зяленскага, сказала, што ў Трампа «заканчваецца цярпенне» і заклікала Зяленскага не каментаваць перамовы ў СМІ, піша «Еўрапейская праўда».
Левіт падкрэсліла, што ЗША не патрабуюць ад Украіны прызнаць Крым «расійскім».
«[Трамп] просіць, каб бакі селі за стол перамоў, усведамляючы, што гэтая жорсткая вайна доўжыцца занадта доўга, і для таго, каб заключыць добрую здзелку, абодва бакі павінны застацца трохі незадаволенымі», — заявіла прэс-сакратарка прэзідэнта ЗША.
«І, на жаль, прэзідэнт Зяленскі спрабуе спрачацца праз мірныя перамовы ў СМІ, а гэта для прэзідэнта непрымальна. Перамовы павінны быць за зачыненымі дзвярыма», — дадала яна.
Па словах Левіт, ЗША выдаткавалі шмат часу і рэсурсаў, каб паспрабаваць пакласці канец гэтай вайне, і цяпер Трамп «расчараваны, яго цярпенне канчаецца».
«Ён хоча, каб забойствы спыніліся. Але для гэтага трэба, каб абодва бакі вайны былі гатовыя гэта зрабіць. І, на жаль, прэзідэнт Зяленскі, здаецца, рухаецца ў няправільным кірунку», — падсумавала прэс-сакратарка.
Прэс-сакратарка Белага дома моліцца перад кожнай камунікацыяй з журналістамі
Пазняк: Кэралайн Лівіт — гэта проста знаходка веку
Трамп раскрытыкаваў Зяленскага за заяву, што Украіна ніколі не прызнае Крым расійскім
Пяскоў назваў умову, пры выкананні якой вайна імгненна завяршылася б
ЗША прапануюць Украіне мірны план, які дазволіць Пуціну захаваць захопленыя тэрыторыі. Сталі вядомыя амерыканскія прапановы
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю10
Каментары
А калі Трамп «расчараваны, яго цярпенне канчаецца», то хай пацярпіць трохі - 24 гадзіны, яны доўгія.
Хай мужчына даробіць тое, што абяцаў.