Расія згодная абмяркоўваць пытанне перадачы ЗША кантролю над Запарожскай АЭС
Расійскі бок адкрыты для абмеркавання прысутнасці прадстаўнікоў ЗША на Запарожскай АЭС на перамовах аб Украіне. Пра гэта заявіў кіраўнік «Расатама» Аляксей Ліхачоў, пішуць «Важные истории».
Упершыню пра тое, што падчас перамоў абмяркоўваецца праблема акупацыі Запарожскай АЭС Расіяй, у сярэдзіне сакавіка заявіў прэзідэнт ЗША Дональд Трамп. Газета Financial Times са спасылкай на крыніцы паведамляла, што Трамп хоча ўключыць пытанне перадачы кантролю над ЗАЭС амерыканскаму боку ў здзелку па карысных выкапнях з Украінай.
Падпісанне здзелкі чакаецца ўжо ў найбліжэйшыя суткі, заявіў прэм'ер Украіны Дзяніс Шмыгаль. «РБК-Украіна» і Bloomberg пішуць, што цяпер узгадняюць апошнія тэхнічныя дэталі па здзелцы, а ў Вашынгтон ужо едзе кіраўнік Мінэканомікі Украіны Юлія Свірыдзенка.
Перадача Запарожскай АЭС пад кантроль ЗША была ўмовай міру з боку адміністрацыі Трампа ў апошнім апублікаваным тэксце прапаноў да Расіі. Украіна ў сваім тэксце прапаноў выказала жаданне вярнуць сабе кантроль над Запарожскай АЭС пры ўдзеле ЗША, а таксама над Кахоўскай ГЭС і Кінбурнскай касой, а таксама атрымаць гарантыі бесперашкоднага праходу па Дняпры.
Яшчэ ў мінулыя выхадныя кіраўнік МЗС РФ Сяргей Лаўроў катэгарычна адпрэчваў любую магчымасць дэакупацыі Запарожскай АЭС. Ён заявіў, што Масква не атрымлівала такой прапановы ад ЗША.
«Але калі атрымаем, то патлумачым, што Запарожская АЭС знаходзіцца ў падпарадкаванні расійскай дзяржаўнай карпарацыі «Расатам», пад наглядам персаналу МАГАТЭ, які ўвесь час прысутнічае на пляцоўцы», — сказаў Лаўроў.
Украіна без Крыма, але з Запарожскай АЭС. Reuters апублікавала поўны спіс мірных прапаноў Трампа
ЗША прапанавалі Кіеву прызнаць Крым расійскім і адмовіцца ад уступлення ў НАТА — WSJ
Трамп: На перамовах у Эр-Рыядзе абмяркоўваюцца тэрытарыяльныя пытанні і валоданне АЭС
Зяленскі: З Трампам абмяркоўвалі перадачу ЗША Запарожскай АЭС
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак18
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары