6 траўня прайшло адкрытае агульнае пасяджэнне Каардынацыйнай рады, падчас якога абмяркоўваліся ключавыя арганізацыйныя пытанні, піша Радыё Рацыя.
Кіраўнік камісіі па пытаннях Статута Яўген Каравулаў прадставіў прыблізны графік выбарчага працэсу, які можа быць зацверджаны ўжо на наступных пасяджэннях: «Распачнецца галасаванне 13 траўня. Мінулы раз заяўкі ў кандыдаты збіраліся да сярэдзіны дня. Гэтым разам мы таксама прапануем да 15.00 па Варшаве. У 17.00 як заўжды адбудзецца паседжанне. Трэба будзе абраць толькі аднаго кандыдата. І потым абвяшчэнне вынікаў галасавання».
Арцём Брухан з фракцыі «Каманда Латушкі і Рух «За Свабоду» прапанаваў унесці змены ў Статут Рады, прадугледзеўшы ўвядзенне пасады другога віцэ-спікера: «Гэта забяспечыць устойлівасць і бесперапыннасць працы Каардынацыйнай Рады. Пры форс-мажоры, пры сітуацыі, якая, напрыклад, зараз адбылася пасля знікнення Анжалікі Мельнікавай, на адзінага віцэ-спікера кладзецца завышаная нагрузка і ўзрастаюць, шчыра кажучы, рызыкі для гэтага чалавека. Усе бачылі пагрозы з боку прапагандыстаў у дачыненні да спадарыні выконваючай абавязкі спікеркі Стасі Гліннік»
Стася Гліннік пацвердзіла, што не будзе вылучаць сваю кандыдатуру на пасаду і не будзе станавіцца спікерам аўтаматычна — нягледзячы на тое, што Статут дазваляе гэта ў выпадку знікнення дзейнага спікера.
Цяпер чытаюць
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку20
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары