Брухан пацвердзіў, што пойдзе ў спікеры Каардынацыйнай рады ад фракцыі Латушкі
Калі Брухана абяруць спікерам Каардынацыйнай рады, ён пакіне сваю пасаду ў Аб'яднаным пераходным кабінеце.
Намеснік кіраўніка НАУ Арцём Брухан пацвердзіў «Белсату», што фракцыя «Каманда Латушкі і рух «За свабоду» вылучыць ягоную кандыдатуру на пост спікера Каардынацыйнае рады.
Чытайце:Новым спікерам Каардынацыйнай рады, хутчэй за ўсё, стане Арцём Брухан
«Гэта агульнае рашэнне нашай фракцыі, мы правялі некалькі раўндаў кансультацыяў унутры фракцыі. Мая кандыдатура будзе высоўвацца на пасаду пасля таго, як будзе афіцыйна прызначаная дата выбараў».
Паводле Брухана, канчатковая пастанова была прынятая некалькі дзён таму, аднак пра гэта не паведамлялі, бо яшчэ не зацверджаная дата выбараў старшыні Рады.
Сваіх планаў на пасадзе спікера ў выпадку абрання палітык раскрываць не стаў: «Я бы хацеў іх агучыць пасля таго, як будзе прызначаная дата выбараў, будзе пасяджэнне КР, каб таксама гэта абмеркаваць на агульным пасяджэнні Рады».
Брухан паведаміў, што калі яго абяруць спікерам Каардынацыйнай рады, ён пакіне сваю пасаду ў Аб'яднаным пераходным кабінеце.
Чытайце архіўную гутарку з Арцёмам Бруханам: Былы чыноўнік расказаў, як працаваў у выканкаме, не паехаў на мітынг за Лукашэнку і за што хацеў бы выбачыцца
Каманда Латушкі і рух «За свабоду» маюць прыкладна 27 з 78 галасоў. Гэтага недастаткова для таго, каб наўпрост прызначыць свайго кандыдата спікерам. Аднак з улікам рэалій выбары ў Каардынацыйнай радзе могуць быць безальтэрнатыўнымі — ніводная іншая палітычная сіла не мае такой вагі, як Латушка, каб пасадзіць свайго прадстаўніка на пазіцыю спікера.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары