Stasia Hlińnik paćvierdziła, što nie budzie bałatavacca ŭ śpikierki KR
6 traŭnia prajšło adkrytaje ahulnaje pasiadžeńnie Kaardynacyjnaj rady, padčas jakoha abmiarkoŭvalisia klučavyja arhanizacyjnyja pytańni, piša Radyjo Racyja.
Kiraŭnik kamisii pa pytańniach Statuta Jaŭhien Karavułaŭ pradstaviŭ pryblizny hrafik vybarčaha pracesu, jaki moža być zaćvierdžany ŭžo na nastupnych pasiadžeńniach: «Raspačniecca hałasavańnie 13 traŭnia. Minuły raz zajaŭki ŭ kandydaty źbiralisia da siaredziny dnia. Hetym razam my taksama prapanujem da 15.00 pa Varšavie. U 17.00 jak zaŭždy adbudziecca pasiedžańnie. Treba budzie abrać tolki adnaho kandydata. I potym abviaščeńnie vynikaŭ hałasavańnia».
Arciom Bruchan z frakcyi «Kamanda Łatuški i Ruch «Za Svabodu» prapanavaŭ unieści źmieny ŭ Statut Rady, praduhledzieŭšy ŭviadzieńnie pasady druhoha vice-śpikiera: «Heta zabiaśpiečyć ustojlivaść i bieśpierapynnaść pracy Kaardynacyjnaj Rady. Pry fors-mažory, pry situacyi, jakaja, naprykład, zaraz adbyłasia paśla źniknieńnia Anžaliki Mielnikavaj, na adzinaha vice-śpikiera kładziecca zavyšanaja nahruzka i ŭzrastajuć, ščyra kažučy, ryzyki dla hetaha čałavieka. Usie bačyli pahrozy z boku prapahandystaŭ u dačynieńni da spadaryni vykonvajučaj abaviazki śpikierki Stasi Hlińnik»
Stasia Hlińnik paćvierdziła, što nie budzie vyłučać svaju kandydaturu na pasadu i nie budzie stanavicca śpikieram aŭtamatyčna — niahledziačy na toje, što Statut dazvalaje heta ŭ vypadku źniknieńnia dziejnaha śpikiera.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary