EPAM і Wargaming заплацілі ў Літве мінімальныя падаткі за больш чым два гады
Паводле даных Дзяржаўнай падатковай інспекцыі Літвы за першы квартал 2025 года, EPAM і Wargaming застаюцца найбуйнейшымі падаткаплацельшчыкамі сярод ІТ-кампаній у краіне, аднак сумы выплачаных імі падаткаў значна знізіліся, піша Devby.io.
Кампанія EPAM Sistemos заняла 4-е месца ў ІТ-сектары і заплаціла 3,7 мільёна еўра падаткаў — на 14% менш, чым у аналагічны перыяд 2024 года. Гэта найменшы паказчык кампаніі за апошнія два з паловай гады.
Зменшыліся і кадры кампаніі: з пачатку года EPAM скараціла больш за 20 супрацоўнікаў. У філіялах у Вільні і Коўне цяпер працуе каля 1200 чалавек, прычым у Вільні ўпершыню менш за 1000 супрацоўнікаў.
У сваю чаргу, Wargaming апынуўся на 5-м месцы і заплаціў 2,94 мільёна еўра — таксама мінімум за апошнія два з ліш гады. Зніжэнне складае 2% у параўнанні з мінулым годам.
Кампанія страціла за квартал больш за 40 супрацоўнікаў, і цяпер у ёй працуе 791 чалавек.
У агульналітоўскім рэйтынгу падаткаплацельшчыкаў EPAM страціў 20 пазіцый і цяпер займае 95-е месца (раней — 75-е). Што да Wargaming, то ён вылецеў з топ-100 яшчэ летась і цяпер знаходзіцца на 127 месцы.
Што тычыцца іншых ІТ-кампаній у Літве з беларускімі каранямі, то іх паказчыкі цяпер такія:
-
Gurtam — заплаціла 1,17 млн еўра (крыху больш за леташні паказчык).
-
MA (былы Melsoft) — скараціў выплаты з 1,2 да 1 млн еўра.
-
Flo — заплаціў 0,6 млн еўра.
-
Belka Games — заплаціў 0,1 млн еўра.
Прапаганда паказала ад’езд айцішнікаў з вакзала ў 2022 годзе, зняты схаванай камерай
Аналітыкі панізілі рэйтынг акцый EPAM да нейтральнага
Беларускія кампаніі ў Літве працягваюць скарачаць каманды. Wargaming — у топе па адтоку
Сацпакет айцішніка ў Мінску схуднеў? Якімі плюшкамі завабліваюць Lesta, EPAM ды іншыя
Маскоўскі суд арыштаваў актывы выдаўца гульні «Свет танкаў»
Шпакоўскі пра саўладальніка «Варгеймінга» Кацалапава: Прафінансаваў пратэсты на 296 тысяч даляраў
Каментары