Экс-прафесар эканамічнага факультэта Маскоўскага ўніверсітэта скончыў жыццё самагубствам пасля таго, як аддаў махлярам 650 тысяч даляраў
78-гадовага Барыса Баярынцава развялі па класічнай схеме.
Былы прафесар эканамічнага факультэта МДУ Барыс Баярынцаў звёў рахункі з жыццём пасля таго, як яго падманулі махляры.
Схема падману была стандартнай. У пачатку мая 78-гадоваму экс-выкладчыку патэлефанавалі невядомыя, якія прадставіліся сілавікамі. Яны пераканалі Баярынцава перавесці ўсе яго грошы на «бяспечны рахунак».
Прафесар эканомікі спачатку перавёў махлярам 400 тысяч долараў з усіх сваіх рахункаў, а потым яшчэ і прадаў дзве кватэры. Усяго Баярынцаў пазбавіўся 650 тысяч даляраў.
25 мая Баярынцаў паехаў да сябра Юрыя «адпачыць і разгрузіцца». Мужчыны схадзілі ў лазню. Увечары яны разышліся па розных пакоях адпачываць, піша Baza.
На наступную раніцу Юрый знайшоў у лазні цела прафесара. Пазней следчыя выявілі ў асабістых рэчах Баярынцава копію пастановы аб завядзенні крымінальнай справы па махлярстве.
Баярынцаў быў доктарам навук, ён выкладаў на кафедры макраэканамічнай палітыкі і стратэгічнага кіравання МДУ.
Цяпер чытаюць
«Кайлас, я іду». Што за беларуска знікла ў жудасным селі ў Непале12
Каментары