Адбыўшы 5 гадоў зняволення, вызваліўся палітвязень Сяргей Верашчагін
З турмы выйшаў жыхар Гомеля Сяргей Верашчагін, якога моцна збілі падчас затрымання ў жніўні 2020 года, піша «Гомельская вясна». Ён адбыў увесь прысуджаны яму тэрмін.
Сяргея Верашчагіна арыштавалі 12 жніўня 2020 года ў кватэры, дзе ён жыў з маці, пасля ўдзелу ў пратэстах. Пасля затрымання адвакатка настаяла на медыцынскім аглядзе. У Сяргея выявілі цяжкія пашкоджанні: чэрапна-мазгавую траўму, удар мозгу, шматлікія гематомы, пашкоджанні хрыбетніка і іншае.
На судзе міліцыянты сцвярджалі, што Сяргей нібыта кідаў з акна бутэлькі ў іх і сам сабе нанёс траўмы, б'ючыся аб сцены. Сам жа мужчына заяўляў, што яго збілі ў Цэнтральным РАУСе. Суддзя Сяргей Салоўскі, аднак, праігнараваў ягоныя сведчанні і асудзіў Верашчагіна на 5 гадоў калоніі.
Спачатку Верашчагін адбываў тэрмін у калоніі № 13 у Глыбокім, але ў кастрычніку 2021 года яго перавялі на яшчэ больш жорсткі рэжым — з калоніі ў турму №4 у Гродне, дзе ён і адбываў тэрмін да вызвалення 23 мая 2025 года.
Праваабаронцы прызналі Сяргея Верашчагіна палітвязнем 7 красавіка 2021 годзе, а МУС Беларусі 28 кастрычніка 2022 года ўключыла яго ў спіс «экстрэмістаў», што значна абмяжоўвае правы мужчыны нават пасля вызвалення.
Цяпер чытаюць
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку21
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1414
Каментары
Идти в поликлинику и хотя бы в рамках диспансеризации требовать все виды бесплатного обследования.
Не спешить перегружать себя физической работой.