Грамадства4040

«Мы ж не ведалі, што там знаходзіцца аэрадром». Беларус Антон Мацкевіч патлумачыў, чаму спрабаваў спыніць украінскія дроны з фуры

Беларус Антон Мацкевіч у інтэрв'ю дзяржаўнаму каналу патлумачыў, чаму спрабаваў спыніць дроны, што выляталі з фур у Іркуцкай вобласці для атакі на вайсковыя аэрадромы. 

Антон кажа, што справа была на стаянцы, і на стаянцы была запраўка.

«Першай справай мы адганялі ўсе машыны ад яе, каб быў доступ да запраўкі», — кажа ён.

Потым прыехала патрульная служба. Паліцэйскія паспрабавалі збіць дроны аўтаматнымі чэргамі, але ў іх не атрымалася.

Потым прыехаў нейкі палкоўнік, які кіраваў відавочцамі. 

«Ён залез у кузаў прычэпа зверху, паглядзеў — там сапраўды былі дроны.

Папрасіў дапамогі, і, зразумела, мы пачалі выкарыстоўваць усё, што было пад рукой: кавалкі асфальту, брускі, камяні. Мы прыносілі іх да машыны і закідвалі — ціснулі гэтыя дроны, накладвалі на лопасці, на вінты, каб яны не змаглі ўзляцець. Наша першая задача была — не даць ім пакінуць грузавік», — расказаў мужчына. 

У нейкі момант палкоўнік закрычаў, што трэба ўцякаць. «Я так зразумеў, што беспілотнік пачаў падымацца, але не змог. Мы адбеглі ад машыны, і прыкладна праз 30 секунд адбыўся выбух», — кажа Антон. 

Палкоўнік прыкладна палічыў, што ў машыне знаходзілася каля 20 беспілотнікаў — «можа больш, можа менш».

«Мы ўжо потым усвядомілі, што яны маглі накрыць і нас. Нас там таксама было нямала, але, ведаеце, у першую чаргу думалі: а раптам побач дзеці, жанчыны, мужчыны? Мы ж не ведалі, што там аэрадром і куды яны ляцяць. І наша галоўная задача была — максімальна хутка і эфектыўна перашкодзіць іх узлёту і ўсім наступствам. Таму мы дзейнічалі зладжана і аператыўна», — кажа беларус.

1 чэрвеня Украіна правяла масіраваную атаку на вайсковыя аэрадромы Расіі. Дроны падвезлі да аэрадромаў у фурах. 

Апытанка

Каментары40

  • .
    03.06.2025
    Ладна, пра аэрадром не ведалі, аднак навошта падпарадкоўвацца расейскаму палкоўніку?
    Які ўзровень самапавагі патрэбны быць?
    Хай той камандзір са сваімі падначаленымі бегае, а не падстаўляе выпадковых грамадзянскіх людзей. У ментоўскай краіне (як у нас) выканаўцаў не знайшлося.

    Увогуле правіла: бачыш украінскі дрон - не чапай, хай даляціць да сваёй ваеннай цэлі. Калі чапаць, збіваць - можа нешта пашкодзіць па дарозе.
  • Штолле
    03.06.2025
    [Рэд. выдалена]
  • Адчапіцеся ад мужыка
    03.06.2025
    Ну вось і разгадка. Прыехала паліцыя і загадала ўсім, хто побач знаходзіўся, спыняць дроны камянямі.
    І што ты будзеш рабіць, калі над табой паліцыя стаіць, і дроны каля запраўкі выбухаюць, і ёсць рызыка, што твая фура ў выніку пажара згарыць?

Цяпер чытаюць

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска

Усе навіны →
Усе навіны

З Кастрычніцкай у Мінску знік партрэт Караткевіча. Аўтар патлумачыў, чаму замяніў яго9

Пентагон скароціць менш амерыканскіх вайскоўцаў у Еўропе, чым планавалася раней

Сабаленка ўнеслі ў базу «Міратворца» пасля скандалу на матчы з украінкай Світолінай24

«Дзякуй жанчынам, якія дачакаліся». Tor Band паказалі сваю першую рэпетыцыю3

55‑гадовага прадпрымальніка асудзілі за палітыку: ён штодня спрачаўся з ватнікамі ў Z‑чатах10

У тэатры імя Горкага працягваецца капітальны рамонт. Як зменіцца будынак ФОТА1

Іншую скульптуру аўтара скандальнай «Быхаўскай мадонны» чыноўнікі афіцыйна набылі за $15 тысяч толькі праз месяц пасля адкрыцця9

Масад папярэдзіў ЗША аб планах Ірана забіць Трампа дронамі5

SpaceX упершыню ў гісторыі злавіла верхні блок Starship ВІДЭА5

больш чытаных навін
больш лайканых навін

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска

Галоўнае
Усе навіны →

Заўвага:

 

 

 

 

Закрыць Паведаміць