З'явіліся першыя спадарожнікавыя здымкі авіябазы «Белая», на якіх відаць наступствы атакі СБУ
Чатыры расійскія самалёты знішчаныя, яшчэ чатыры, хутчэй за ўсё, пашкоджаныя.
Паводле спадарожнікавых здымкаў, Украіна ў межах учорашній аперацыі «Павуцінне» нанесла серыю ўдараў дронамі FPV па расійскай авіябазе «Белая» ў Іркуцкай вобласці, у выніку чаго былі знішчаныя або пашкоджаныя некалькі стратэгічных самалётаў далёкай авіяцыі, уключаючы Ту-95 і Ту-22М3.
На адным здымку (узлётна-пасадачная паласа) бачны знішчаныя тры Ту-95 — расійскія стратэгічныя ракетаносцы, якія рэгулярна ўдзельнічаюць у запуску ракет па ўкраінскіх гарадах.
Адзін Ту-95 пазначаны як магчыма пашкоджаны.
Таксама зафіксавана знішчэнне адзінкі Ту-22М3 — гэта звышгукавы ракетаносец, што можа выкарыстоўваць як ядзерную, так і звычайную зброю.
На другім здымку (больш глыбокая частка базы з ангарамі) пазначаныя тры магчыма знішчаныя або пашкоджаныя Ту-22М3.
Гэта адзін з самых далёкіх удараў Украіны па тэрыторыі Расіі з выкарыстаннем FPV-дронаў, якія звычайна маюць абмежаваную дальнасць дзеяння.
Атака падрывае магчымасці Расіі весці стратэгічныя бамбардзіроўкі з глыбіні сваёй тэрыторыі.
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары