Лукашэнка на нарадзе пра кіно: Без вас мы можам абысціся. Вас няма
На сённяшняй нарадзе з кінематаграфістамі Лукашэнка з імі асабліва не цырымоніўся і сказаў ім «шчыра тое, што мог бы не сказаць селянам ці рабочаму каля станка».
Лукашэнка, падняўшы віцэ-прэм'ерку Наталлю Пяткевіч, даў ёй даручэнне праверыць усе культурныя ўстановы, на многіх з якіх, маўляў, сітуацыя не лепшая чым на кінастудыі, бо «ўсюды сядзяць рыначнікі, жуллё», а трэба глядзець, каб «усюды былі людзі сумленныя».
Пасля таго ён адмыслова падкрэсліў, што ад культурнікаў патрэбны найперш вынік: «Будзе праца, будзе вынік — вы крыўдаваць не будзеце. Не будзе выніку — не будзе нічога».
А пасля таго звярнуўся да прысутных на нарадзе кінематаграфістаў:
«Паслухайце, я гэта шчыра кажу, што мог бы не сказаць сялянам ці рабочаму каля станка. Але вы прабачце, але я скажу зараз фразу, з чаго мы зыходзім: ну, без вас мы можам абысціся. Таму я шчыра кажу: так-так, не-не. Усё адно вас няма, разумееце? Мы нічога не губляем, дзяржава. Вас няма. Каб было што губляць, то, вядома, тут за кожнае слова адказваў бы. А што губляем мы? У мяне выхаду іншага няма: альбо — альбо».
Таму, паводле слоў Лукашэнкі, калі выніку не будзе — тады стаўленне будзе «жэстачайшае». Калі выніку кінематаграфісты не дадуць — Лукашэнка паабяцаў успрымаць гэта як падман сябе, з адпаведнымі вынікамі. Калі ж так і будзе, то
«знойдзем трох рэжысёраў, спакойна пачнем выбудоўваць, на працягу двух-трох гадоў мы нешта атрымаем, ачысціўшыся ад усяго».
Сам Лукашэнка гэтага, маўляў, не хоча, таму прапанаваў не даводзіць сітуацыю да абсурду.
«Выскачыць на вуліцу ў кароткіх спаднічках — гэта вы маглі. І ўсіх гвалтавалі там». Лукашэнка ўспомніў кіношнікам 2020-ы і заклікаў спыніцца
«Вакол вайна, вакол бушуе. Вазьміце Фінляндыю». Лукашэнка прачытаў кіношнікам лекцыю па міжнародным становішчы
Круты прызнаўся Лукашэнку, што акупнасць Беларусьфільма — 3%
Пяткевіч: Кінематограф у яго цяперашнім стане нам не патрэбны
Лукашэнка пра «Беларусьфільм»: Няхай ствараюць, прадаюць і жывуць, не — да пабачэння
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»4
Каментары