Калі ў пачатку мая на «Куфры» было ўсяго пяць аб’яў з новымі лялькамі Лабубу, то да 1 чэрвеня іх колькасць павялічылася да 320. Пра гэта прадстаўнікі платформы паведамілі выданню Office Life.
Попыт пачаў расці і на лялькі «з другіх рук», хоць спачатку асноўная ўвага была на новых вырабах.
Калі ў першы тыдзень мая гэтыя папулярныя цацкі шукалі 1596 разоў, то ў перыяд з 2 па 8 чэрвеня колькасць запытаў павялічылася да 10343. На пляцоўцы лічаць, што рост у 6,5 раза за месяц паказвае: трэнд толькі набірае абароты.
Аднак пакуль паспяховых здзелак нямнога — усяго 31 продаж з 5 мая па 8 чэрвеня.
У кампаніі таксама адзначылі, што ў аб’явах цэны пачынаюцца ад 10 рублёў за ляльку, але гэта не арыгінальныя асобнікі. Арыгіналы, па даных аб’яваў, каштуюць ад 200 да 300 рублёў. Ёсць і эксклюзіўныя — цацкі, прывезеныя з Японіі, якія могуць каштаваць да 1200 рублёў.
Раней паведамлялася, што заснавальнік кампаніі Pop Mart, якая выпусціла папулярныя лялькі Лабубу, трапіў у топ-10 самых багатых людзей Кітая на фоне ажыятажу вакол цацак.
Цяпер чытаюць
Былога беларускага палітвязня судзяць у Літве за падрыхтоўку да забойства праціўнікаў Крамля. Пагражае аж да пажыццёвага8
Каментары
И зовут эту лабубу - лукашенко !
Дзеці будуць пішчаць “хачу- хачу…” і атупелыя бацькі будуць набываць гэтае г-о з злоснымі пысамі за вялікія грошы ну ж ….. “калі ўсе бяруць, то і нашыя дзеці не горшыя…”
Кожныя пару гадоў запускаюць нейкія новыя непатрэбствы, прамываюць рэкламаю мазгі дзецям і бацькам і айда бабло стрыгчы… узгадайце колькі усялякага падобнага барахла ўжо было на працягу апошніх 30гадоў…. А няхай бы хто задумаўся што праз год - другі ўсё гэта пойдзе ў сьмецьце і мільёны тон гэтых злосных бязвухіх чабурашак па ўсім сьвеце лягуць ў зямлю ці будуць змытыя ў рэкі і акіяны - будуць забруджваць і так ужо не здаровае атручанае асяродзе а недалёкія людцы будуць хварэць. Колькі тысяч тон тых “бонсьцікаў” ці тых вяртушак ужо нікому не патрэбныя і валяюцца ў зямлі……