У Белавежскай пушчы навукоўцы выявілі новую, даволі вялікую папуляцыю рэдкай расліны — вужоўніка звычайнага. Пры палявых даследаваннях супрацоўнікі навуковага аддзела знайшлі каля 70 раслін, што растуць у высокай траве на ўскрайку лесу, дзе растуць бяроза пушыстая і вольха чорная, піша прэс-служба Нацыянальнага парку «Белавежская пушча».
Вужоўнік звычайны — гэта рэдкая шматгадовая папараць, якая значна адрозніваецца ад звычайных відаў. Вужоўнік належыць да старажытнай і эвалюцыйна асобнай групы раслін. Лісце ў яго простае, падобнае хутчэй да ландышу або майніку, чым да класічнай папараці, а споры ўтвараюцца на спецыяльнай частцы ліста, якая нагадвае каласок.
Расліна можа некалькі гадоў не з’яўляцца над зямлёй і выжываць дзякуючы сімбіёзу з грыбамі, што робіць яе асабліва складанай для пошуку ў прыродзе.
Вужоўнік уключаны ў Чырвоную кнігу Беларусі як від, які патрабуе прафілактычнай аховы. Ён лічыцца недастаткова вывучаным і знаходзіцца пад пагрозай знікнення, таму патрабуе асаблівай увагі з боку навукоўцаў і эколагаў.
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі17
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
Каментары