«Спачатку трэба зрабіць разлічэнне з «русским миром». Пазняк выступіў рэзка супраць акцыі Ціханоўскіх у Варшаве
Ветэран беларускага руху Зянон Пазняк пабачыў у сеціве аб'яву пра прызначаную на 26 чэрвеня акцыю салідарнасці з палітвязнямі ў Варшаве, якую ладзяць Сяргей і Святлана Ціханоўская, і рэзка раскрытыкаваў гэту ідэю.
«Мушу адразу сказаць. У палітыцы гэта так не працуе. Перш чым заклікаць беларусаў да акцыі, трэба зрабіць разлічэнне з «русским миром», з «Пуцін мудры», з «вместе с Россией», з «Міратворцам», з прарасейскай пазіцыяй, якая засталася і не растлумачана», — заявіў Зянон Пазняк.
«Змена рыторыкі нічога не значыць без палітычнага разлічэння. Той, хто заклікае да свабоды Беларусі, мусіць артыкуляваць, пра якую свабоду ён кажа.
Бо свабода Беларусі — гэта свабода ад акупацыі і агрэсіі вечнага ворага Беларусі — ад Расеі, ад яе прамаскоўскага рэжыму ў Беларусі. Дык Расея вораг ці не! Пасля станоўчага адказу на гэтыя пытанні ёсць сэнс у змаганні за волю і долю Беларусі», — падкрэсліў ён.
Варта адзначыць, што на першай прэс-канферэнцыі пасля вызвалення Сяргею Ціханоўскаму задалі пытанні адносна яго стаўлення да Расіі, Пуціна і вайны ва Украіне. Адказ быў адназначны:
«Наш супольны вораг — гэта пуцінская ўлада. Пакуль яна не рухне, ніякай перамогі ў Беларусі не будзе».
Што да вайны ва Украіне, то ён заявіў наступнае:
«Я абсалютна падтрымліваю Украіну. Прэзідэнту Зяленскаму выпала такая цяжкая доля. Вось тое, што я перажыў, гэта нішто ў параўнанні з тым, што ён перажыў. Ён для мяне герой. Я яго падтрымліваю абсалютна і безраздзельна».
Пазняк прыгадаў пра Ціханоўскага як «чалавека Масквы на спецзаданні ў Беларусі», але дапусціў ягонае выпраўленне
Сяргей і Святлана Ціханоўскія сустрэнуцца з беларусамі Варшавы
Сяргей Ціханоўскі: Я — першы джэнтльмен Беларусі
Спецслужбы шукаюць фатографаў на мітынг Ціханоўскіх праз скрадзены акаўнт арыштаванай рэдактаркі Вікіпедыі
Па чатах беларускіх дыяспар раскідаюць фэйкавыя анонсы акцыі Святланы і Сяргея Ціханоўскіх у Варшаве
Невядомыя спрабуюць наняць фатографа для здымкі прысутных на сустрэчы з Ціханоўскім у Варшаве
Цяпер чытаюць
Сын Сяргея Бульбы збірае грошы ў Польшчы, прыдумаўшы сабе біяграфію ветэрана і палітычнага ўцекача11
Каментары
Рэальным палітычным капіталам валодае толькі Нацыянальны Лідар. Да яго і трэба з'ездзіць за ярлыком на мітынгаванне і акціянерства.
Калі просьбіт будзе ветлівы і пакорлівы, ён можа атрымаць невялікую долю палітычнага капіталу ў часовую арэнду. Таксама на яго сыдзе водсвет гістарычнай легітымнасці.