У Магілёве дырэктара рэкламнай фірмы асудзілі па справе «Беларускага Гаюна»
У канцы мая ў Магілёве асудзілі мясцовага прадпрымальніка, дырэктара адной з рэкламных фірм Віталія Чавусава, піша Mayday.team.
Як удалося высветліць, яму ставілі ў віну два артыкулы, звязаныя з так званым «садзейнічаннем экстрэмісцкай дзейнасці». Крымінальная справа была звязана з «справай Гаюна».
Віталя Чавусава прыгаварылі да 4 гадоў пазбаўлення волі. Падрабязнасці справы і рэжым умоў адбывання невядомыя.
«Справа Гаюна» — агульная назва крымінальных працэсаў і палітычнага пераследу, пачатых адносна людзей, якія дасылалі ў чат-бот тэлеграм-канала «Беларускі Гаюн» інфармацыю пра перамяшчэнне вайсковай тэхнікі на тэрыторыі Беларусі. У 2022 годзе яго прызналі «экстрэмісцкім фармаваннем».
На пачатку лютага 2025 чат-бот быў узламаны, пасля чаго сілавікі атрымалі доступ да асабістых дадзеных тых, хто дасылаў інфармацыю. З таго моманту па ўсёй Беларусі, у тым ліку і ў Магілёўскай вобласці, рэгулярна адбываюцца затрыманні людзей.
Цяпер чытаюць
Вядучы СТБ Раман Пратасевіч пабраўся шлюбам трэцім разам36
Каментары
Што ж да суседніх краін, іх выведкі працуюць самастойна і не ўзаемадзейнічаюць, не адказныя за беларускія праекты.
Але нешта падказвае, што там і блізка няма ўзроўню пакрыцця Гаюна. Дастаткова ўспомніць гісторыю з ракетай у Польшчы ды з шахедам у Літве, якія шукалі неяк непрыстойна доўга (ды і пра вынік нешта ня памятаю).
Таму актуальны пажаданьні посьпеху ня толькі з выведкай, але і, мяркуючы па падыходзе - у вайне з пуціным.
Да мяне нейкая хворая жоўць, нейкія домыслы пра "маю рацыю", нібыта я начальнік усіх еўрапейскіх выведак.
"Гаюн" то перахвальваеце, пры тым не разумееце, што ён не сам з'явіўся, яго той самы "фатограф" і ствараў.
Самі і на беларусаў, і на Еўропу глядзіце неяк зверху-збоку, з нейкай невядомай хаты с краю.