У Мінску на прыпынку аўтобусаў «Індустрыяльна-педагагічны каледж» устанавілі экалагічны павільён, пішуць Мінск-Навіны.
Праект распрацавалі і пры падтрымцы адміністрацыі Фрунзенскага раёна ажыццявілі навучэнцы Мінскага дзяржаўнага каледжа тэхналогіі і дызайну лёгкай прамысловасці. Акцэнт у афармленні зроблены на экалагічную тэматыку. Прыпынак набыў вясёлае графічнае афармленне і ўпрыгожаны кашпо з кветкамі.
Аўтары ідэі лічаць, што такі тэматычны аб’ект паспрыяе развіццю раздзельнага збору смецця ў сталіцы і павышэнню экалагічнай культуры гараджан, палепшыць камфорт пасажыраў і мясцовых жыхароў.
Гэта пілотны праект, у якім адразу не ўдалося ўвасобіць усё задуманае. Вікторыя Васіна і Ангеліна Саўчук, аўтары праекта, упэўненыя, што змогуць рэалізаваць сваё бачанне паўнавартаснага экалагічнага прыпынку пры стварэнні другога аб’екта. Плануецца, што яго прадставяць публіцы восенню 2025 года.
Цяпер чытаюць
«Яна гадамі цярпела, а пасля адзін раз ударыла мужа нажом — гэтага хапіла, каб забіць»14
Каментары