Марыя Кавальчук пакуль не памятае, што адбылося. Але яе маці заявіла, што ведае імёны вінаватых.
Паводле неафіцыйнай інфармацыі, украінская мадэль і эскортніца Марыя Кавальчук, якая перажыла кому пасля атрыманых цяжкіх пашкоджанняў пасля ўдзелу ў адной з «вечарынак з шэйхамі», працягвае знаходзіцца ў бальніцы ў Дубаі. З ёй пастаянна знаходзіцца маці — Ганна Кавальчук.
У каментарыі СМІ маці расказала, што дзяўчына пачала гаварыць, аднак пакуль не можа прыгадаць падрабязнасці таго, што з ёй адбылося. Сяброўка Марыі адзначыла, што дзяўчына мае сур'ёзныя праблемы з памяццю і не пазнае родных. Пры гэтым яна пакуль не можа сядзець.
На поўнае аднаўленне фізічнага стану, па прагнозах дактароў, можа пайсці год. На гэты момант дзяўчына ўжо перанесла восем аперацый.
Яшчэ ў сакавіку следчыя Нацыянальнай паліцыі ва Львоўскай вобласці Украіны распачалі крымінальную справу па факце гандлю людзьмі ў справе Кавальчук.
Маці дзяўчыны сцвярджае, што ведае тых, хто вінаваты ў збіцці яе дачкі, і ўжо перадала гэтую інфармацыю ў пракуратуру. Аднак яна адмовілася назваць іх імёны да канца расследавання.
Па словах Ганны Кавальчук, яна з дачкой плануе вярнуцца дадому. Але на гэта неабходна каля $4000.
Нагадаем, у снежні 2024 года Марыя паехала ў Аб'яднаныя Арабскія Эміраты працаваць мадэллю. А ў сакавіку 2025 года яе сяброўка паведаміла, што Кавальчук знікла і не выходзіць на сувязь. Праз 10 дзён украінку знайшлі на ўзбочыне дарогі ў Дубаі без дакументаў і мабільнага тэлефона з пераломамі ног, рук, ступняў і хрыбетніка.
Каментары
Мадэль працуе са здымачнай камандай, якая складаецца з фатографаў, відэааператараў, спецыялістаў па свету на здымачнай пляцоўцы, візажыстаў, стылістаў, вырабнікоў адзення, сумачак, аксесуараў, касметыкі і гэтак далей.
Таксама мадэль можа рэкламаваць тавары для побыту, электроніку, тэхніку і гэтак далей. Фота мадэлі з'яўляюцца ў журналах мод, каталогах адзення, на рэкламных банерах у крамах і на будынках, на сайтах брэндаў.
Гэтая дзяўчына ніколі не працавала мадэллю. Ніякага дачынення не мае да прафесіі мадэлі.
Эскортніца гэта від прастытуцыі - продажу свайго цела за грошы.
Харошым дзяўчатам навука, што нельга займацца прастытуцыяй, нават калі вельмі хочацца грошай і "прыгожага жыцця". У многіх прастытутак жыццё сканчваецца алкагалізмам, наркаманіяй, бяздзетнасцю, абортамі, хваробамі.
Дзяўчаты, шукайце лепш харошага хлопца, які вас пакахае і будзе пра вас клапаціцца, хоць у яго і не столькі грошай, як у арабскіх мільянераў.