Паводле інфармацыі відавочцаў, на заводзе «Керамін» у Мінску адбылося ўзгаранне, піша тэлеграм-канал «Минск. Главное!»
Падрабязнасці здарэння пакуль невядомыя.
На месца ўзгарання ў цэху ААТ «Керамін» выехалі падраздзяленні МНС.
Пасля МНС выдала паведамленне адносна гэтага інцыдэнту:
«Адбываецца ўзгаранне алівы і абсталявання ўнутры цэха на прыкладнай плошчы ў 40 квадратных метраў».
Па даных МНС, пажар неўзабаве быў лакалізаваны, ратавальнікі працягвалі яго тушэнне, абарону даху і астуджэнне газавай трубы.
Паводле папярэдніх звестак, ніхто з работнікаў прадпрыемства не пацярпеў.
ААТ «Керамін» займаецца вытворчасцю керамічнай пліткі, керамаграніту, вырабаў санітарнай керамікі і цэглы. У Мінску яго вытворчая пляцоўка размешчаная ў мікрараёне Лошыца, на скрыжаванні вуліц Асіповіцкай і Кіжаватава.
Цяпер чытаюць
Лёс сына прапагандыста са «Спутніка», які прыйшоў да беларушчыны падлеткам, выклікаў буру эмоцый у яго сяброў1
Лёс сына прапагандыста са «Спутніка», які прыйшоў да беларушчыны падлеткам, выклікаў буру эмоцый у яго сяброў
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары