Гендырэктар IT-кампаніі Astronomer, які трапіў у кадр з каханкай на канцэрце Coldplay, звольніўся
Момант іх абдымкаў разышоўся па сеціве, і гэта ўбачылі мільёны.
Генеральны дырэктар IT-кампаніі Astronomer Эндзі Байран, які трапіў у кадр з каханкай на канцэрце Coldplay, падаў у адстаўку. Пра гэта 19 ліпеня паведаміла сама кампанія.
«Як ужо гаварылася раней, Astronomer прыхільная каштоўнасцям і культуры, якімі мы кіруемся з моманту заснавання кампаніі. Ад нашых кіраўнікоў чакаецца, што яны будуць задаваць стандарты як у паводзінах, так і ў адказнасці, але ў апошні час гэтыя стандарты не выконваліся. Эндзі Байран падаў у адстаўку, і Рада дырэктараў прыняла яго адстаўку».
Цяпер шукаюць новага генеральнага дырэктара. Яго абавязкі часова выконвае сузаснавальнік і галоўны дырэктар па прадуктах Astronomer Піт Дэджой.
Нагадаем, на канцэрце гурта Coldplay у Бостане камера выпадкова зняла кіраўніка IT-кампаніі Astronomer Эндзі Байрана і дырэктарку аддзела кадраў Крысцін Кабот, якія стаялі абняўшыся. Відэа паказалі на вялікіх экранах стадыёна падчас песні як частку традыцыйнага моманту kiss cam (камеры для пацалункаў). Мужчына раптоўна адхінуўся ад жанчыны і схаваўся за агароджу, а яна прыкрыла твар рукамі. Але сцэну ўбачылі 66 тысяч гледачоў у жывым эфіры і пасля мільёны ў сацыяльных сетках.
Жанаты кіраўнік IT-кампаніі трапіў у кадр з каханкай на канцэрце ўлюбёнага гурта. Гэта стала для пары неспадзяванкай ВІДЭА
Жонка кіраўніка IT-кампаніі, якога заўважылі на канцэрце з калегай-каханкай, адрэагавала на сітуацыю
Гендырэктара ІТ-кампаніі адхілілі пасля відэа з падначаленай на канцэрце Coldplay
Хто з палітвязняў выйшаў на свабоду 16 верасня ПОЎНЫ СПІС23
Каментары