Вызначыліся магчымыя супернікі беларускіх клубаў у 3-м раўндзе кваліфікацыі еўракубкаў
Сёння прайшло лёсаванне трэцяга раўнду кваліфікацыі футбольных еўракубкаў. Што праўда, яшчэ не пачыналіся матчы другога раўнду.
Тры беларускія клубы згуляюць у другім раўндзе кваліфікацыі Лігі канферэнцый.
Пераможца пары «Дынама» Мінск — «Эгнація» (Албанія) згуляе ў трэцім раўндзе з пераможцай пары «Алімпія» (Славенія) — «Інтэр д'Эскальдэс» (Андора).
Пераможца пары «Нёман» Гродна — «Кошыцэ» (Славакія) згуляе ў трэцім раўндзе з пераможцам пары «Раднічкі» (Сербія) — «Клаксвік» (Фарэры).
Пераможца пары «Тарпеда-БелАЗ» — «Макабі» Хайфа — з пераможцам двубою «Ракуў» (Польшча) — «Жыліна» (Славакія).
Матчы другога раўнду пройдуць 24 і 31 ліпеня, трэцяга раўнду — 7 і 14 жніўня.
Каб дабрацца да асноўнай стадыі Лігі канферэнцый, трэба прайсці чатыры этапы. У мінулым годзе мінскае «Дынама» дабралася да асноўнай стадыі Лігі канферэнцый.
Беларускія клубы свае хатнія матчы гуляюць на нейтральных палях у Венгрыі без гледачоў.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску23
Каментары