На Барысаўшчыне чалавек парадкаваў тэрыторыю і засыпаў пяском чырванакніжныя расліны
У Барысаўскім раёне мужчына вырашыў упарадкаваць тэрыторыю каля свайго будучага дома і пачаў засыпаць участак пяском. Але зрабіў гэта не толькі на сваёй зямлі: закрануў тэрыторыю побач, якая аказалася часткай прыроднай зоны пад асаблівай аховай, піша «Мінская праўда».
На месцы, якое мужчына «парадкаваў», раслі рэдкія віды раслін, занесеныя ў Чырвоную кнігу Беларусі. Паводле інфармацыі прыродаахоўных службаў, былі пашкоджаныя і знішчаныя ўнікальныя расліны, што нанесла прыродзе значную шкоду.
Цяпер супраць уладальніка ўчастка вядзецца праверка па артыкуле 275 Крымінальнага кодэкса — «Забруджванне лесу або асяроддзя прарастання драўняна-хмызняковай расліннасці». Яму пагражае буйны штраф або абмежаванне (ці пазбаўленне) волі тэрмінам да трох гадоў.
Мужчына сцвярджае, што не ведаў дакладнай мяжы свайго ўчастка і хацеў зрабіць «як лепш», але ад адказнасці гэта не вызваляе.
Цяпер чытаюць
На Мінскім паўмарафоне памёр 50‑гадовы бягун. Вось што вядома пра Аляксея Дашыневіча2
Каментары