Пратасевіч наракае, што не можа знайсці працу і задумваецца пра ад’езд
Блогер Раман Пратасевіч у сваім асабістым тэлеграм-канале зноў наракае на жыццёвую неўладкаванасць і не выключае, што гэта можа скончыцца нават зменай месца жыхарства.
Пратасевіч прызнаецца, што ўжо тыдзень зноў шукае працу, а знайсці нічога добрага не можа ні ў якой сферы, бо, маўляў, «маё прозвішча і медыйнасць у чарговы раз згулялі злы жарт».
«Нягледзячы на ўсе мае спробы жыць звычайнае спакойнае жыццё, сумленна працаваць і не адсвечваць, нічога не мяняецца. Прытым, што да мяне ўжо даўно няма ніякіх пытанняў ад уладаў і сілавых структур, патэнцыйныя працадаўцы чакана баяцца розных рызык», — сцвярджае ён.
Фінансавая праблема між тым падціскае, і «перспектывы ўнутры краіны, прама скажам, вельмі так сабе», канстатуе Пратасевіч, называючы такую сітуацыю «гробаным парадоксам»: «Таму што мне падабаецца жыць у Мінску і Беларусі, але я проста не магу знайсці хоць нейкую працу, не магу спланаваць хоць нейкае развіццё ў будучыні».
«Таму, паклаўшы руку на сэрца, я ўпершыню пачынаю сур'ёзна задумвацца пра ад'езд у якія-небудзь далёкія краіны. Проста каб у мяне была праца, магчымасць не ўспамінаць мінулае і хоць неяк развівацца», — анансуе Пратасевіч магчымыя змены ў сваім жыцці.
Зусім нядаўна паведамлялася, што Раман Пратасевіч скончыў курсы барменаў і ўладкаваўся на працу ў бар «Бутлегер» у цэнтры Мінска. Але, як выглядае, нешта ў яго там не задалося. Перад тым ён таксама непрацяглы час працаваў у службе дастаўкі «Яндэкс.Ежа», а яшчэ раней — зваршчыкам на Мінскім электратэхнічным заводзе імя Казлова.
Раман Пратасевіч: Я ўжо больш за год у разводзе
Раман Пратасевіч асвоіў прафесію бармена і адшукаў працу. Вось у якім бары можна яго знайсці
Пратасевіч расказаў, колькі зарабляе велакур'ер сэрвісу «Яндэкс.Ежа»
Пратасевіч напісаў велічны пост пра «найцяжэйшую дыстрафію» і «караняплод»
Пратасевіч: У мяне няма ніякіх перспектыў, я нікому не патрэбен
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»31
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары