Прэзідэнт Украіны Уладзімір Зяленскі пасля таго, як прэзідэнт Расіі Уладзімір Пуцін падчас сустрэчы з Аляксандрам Лукашэнкам на Валааме станоўча ацаніў вынікі папярэдніх расійска-ўкраінскіх перамоў у Стамбуле, прапанаваў яму ісці далей і правесці сустрэчу на найвышэйшым узроўні.
Уладзімір Пуцін на сустрэчы з Аляксандрам Лукашэнкам на Валааме заявіў, што «ў цэлым станоўча» ацэньвае перамовы з Украінай у Стамбуле.
«Як можна не станоўча ацэньваць тое, што сотні людзей вярнуліся на радзіму. Мы з гуманітарных меркаванняў перадалі тысячы цел загінулых украінскіх салдат, атрымалі ў адказ некалькі дзясяткаў нашых», — сказаў Пуцін. Як ён сцвярджае, расчараванні ў перамовах «узнікаюць ад залішніх чаканняў».
Уладзімір Зяленскі ў адказ на гэта напісаў у сваім тэлеграм-канале:
«Мы бачым і падтрымліваем намаганні прэзідэнта Трампа па заканчэнні расійскай вайны, усім забойствам і дасягненню годнага і трывалага міру. Мы ўдзячныя ўсім у свеце, хто падтрымлівае працу дзеля міру і дапамагае нам абараняць жыццё.
Мы чуем заявы з Расіі, і калі гэта сігнал пра іх сур'ёзную гатоўнасць скончыць вайну годна і ўсталяваць сапраўды працяглы мір, а не проста спробы выйграць яшчэ час для вайны і адтэрміноўку санкцый, то Украіна яшчэ раз пацвярджае сваю гатоўнасць да сустрэчы на ўзроўні лідараў у любы час.
Мы разумеем, хто прымае рашэнні ў Расіі і хто павінен скончыць гэтую вайну. Увесь свет гэта таксама разумее. Украіна прапануе перайсці ад абмену заявамі і сустрэч на тэхнічным узроўні да ўзроўню размовы лідараў. Амерыка гэта прапаноўвала. Украіна гэта падтрымлівала. Патрэбна гатоўнасць Расіі».
Цяпер чытаюць
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў54
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1717
Каментары