Пуцін не хоча злаваць Трампа, але падпарадкоўвацца яго ультыматуму наўрад ці будзе
Малаверагодна, што Уладзімір Пуцін падпарадкуецца ультыматуму прэзідэнта ЗША Дональда Трампа, тэрмін якога сканчаецца 8 жніўня, піша Reuters са спасылкай на блізкія да Крамля крыніцы.
Па словах трох крыніц, рашучасць Пуціна грунтуецца на яго веры ў перамогу Расіі і скептыцызме адносна таго, што чарговыя санкцыі ЗША здольныя аказаць істотны ўплыў на эканоміку РФ.
Два суразмоўцы кажуць, што Пуцін не хоча злаваць Трампа і разумее, што, верагодна, страчвае шанец палепшыць адносіны з Вашынгтонам і заходнімі краінамі, аднак лічыць свае ваенныя мэты важнейшымі. Пры гэтым «раздражненне» Трампа яго бянтэжыць, сказала адна з крыніц.
Тым не менш, паводле меркавання Пуціна, цяпер — калі расійская армія актыўна наступае — не час заканчваць вайну: гэтага не зразумеюць ні расійскі народ, ні армія.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары