Еўропа падтрымала адмову Украіны здаваць свае тэрыторыі Пуціну без ягоных саступак
Еўрапейскія краіны разам з Украінай распрацавалі і прадставілі альтэрнатыўны план мірнага ўрэгулявання ў адказ на прапанову прэзідэнта Расіі Уладзіміра Пуціна аб спыненні агню, піша The Moscow Times.
Паводле інфармацыі The Wall Street Journal, два еўрапейскія чыноўнікі, знаёмыя з ходам перамоў, расказалі, што гэты дакумент прызначаны стаць асновай для будучай сустрэчы прэзідэнта ЗША Дональда Трампа з Пуціным.
Ініцыятыва, узгодненая падчас сустрэчы з высокапастаўленымі прадстаўнікамі ЗША ў Вялікабрытаніі, адмаўляе прапанову Расіі перадаць частку падкантрольных Украіне тэрыторый Данецкай вобласці ў абмен на спыненне баявых дзеянняў.
Паводле еўрапейскага плана, спыненне агню павінна адбыцца да пачатку любых далейшых крокаў па ўрэгуляванні канфлікту. Тэрытарыяльныя кампрамісы магчымыя толькі на ўзаемнай аснове — калі Украіна адводзіць войскі з адной тэрыторыі, Расія павінна зрабіць гэта самае з іншай. Галоўнай умовай з’яўляецца забеспячэнне цвёрдых гарантый бяспекі для Украіны, уключаючы магчымае ўступленне ў НАТА.
План быў прадстаўлены віцэ-прэзідэнту ЗША Джэю Дзі Вэнсу, дзяржсакратару ЗША Марка Рубіа, а таксама спецыяльным прадстаўнікам Трампа Кіту Келагу і Стыву Уіткафу. Вэнс пры гэтым прысутнічаў асабіста, астатнія — праз відэасувязь.
Дарадцы еўрапейскіх лідараў перадавалі гэты дакумент амерыканскаму боку, каб вызначыць выразныя «чырвоныя лініі» для будучых перамоў з Расіяй.
Прэзідэнт Францыі Эмануэль Макрон у сваім паведамленні ў сацсетцы X заявіў, што будучыня Украіны не можа вырашацца без саміх украінцаў, якія ўжо больш за тры гады змагаюцца за сваю свабоду і бяспеку. Ён таксама падкрэсліў, што Еўропа павінна быць часткай гэтага рашэння, бо гэта тычыцца і яе ўласнай бяспекі.
Паводле звестак агенцтва Bloomberg, 6 жніўня на сустрэчы Пуціна з Уіткафам у Крамлі расійскі лідар прапанаваў спыніць баі, калі Украіна адмовіцца ад Данецкай і Луганскай абласцей. Што тычыцца Херсонскай і Запарожскай абласцей, то Пуцін, як паведамляе агенцтва, паабяцаў «замарозіць» там лінію фронту.
ЗША паведамлялі, што Пуцін нібыта гатовы на перамір’е пры ўмове выводу ўкраінскіх войскаў з Данбаса. Аднак крыніцы нямецкага выдання Bild сцвярджаюць, што Масква па-ранейшаму патрабуе поўнага кантролю як над Запарожскай, так і над Херсонскай абласцямі.
Пасля сустрэчы Пуціна з Уіткафам Дональд Трамп адклаў увядзенне новых санкцый супраць Расіі і абвясціў пра саміт з Пуціным, які адбудзецца 15 жніўня на Алясцы. Трамп таксама заявіў, што ўкраінскаму прэзідэнту Уладзіміру Зяленскаму давядзецца «нешта падпісаць», адзначыўшы пры гэтым, што перамовы складаныя і магчымы абмен тэрыторыямі, не ўдакладніўшы, якіх менавіта.
Украіна катэгарычна адхіліла ўсе ўмовы, звязаныя з адмовай ад сваіх земляў. Уладзімір Зяленскі нагадаў, што пазіцыя Украіны замацаваная ў Канстытуцыі: «Адступаць ад гэтага ніхто не будзе і не зможа. Украінцы не будуць аддаваць сваю зямлю акупанту».
«Уіткаф не ведае, пра што кажа». Спецпасланнік Трампа няправільна зразумеў Пуціна — Крэмль усё яшчэ хоча атрымаць чатыры ўкраінскія вобласці
Зяленскі пра магчымасць «абмену тэрыторыямі»: Дарыць сваю зямлю акупанту ўкраінцы не будуць
Губернатар Аляскі гатовы прыняць гістарычную сустрэчу Трампа і Пуціна
Пуцін гатовы на спыненне вайны, калі яму падораць рэшту Данецкай вобласці — Славянск, Краматорск і Пакроўск
Трамп: Паміж Украінай і Расіяй мае адбыцца абмен тэрыторыямі ў інтарэсах абодвух бакоў
Дональд Трамп заявіў, што сустрэнецца з Пуціным 15 жніўня на Алясцы
Былы беларускі міліцыянер шукае «пародзістую прыгажуню». Называе сябе мільянерам, а сам судзіцца з былой жонкай за аліменты21
Каментары
Но вы держитесь, русские бабы еще нарожают.