Лінгвістычны ўніверсітэт цяпер будзе звацца іначай. Ранейшую назву Лукашэнка палічыў «мацернай»
Мінскі дзяржаўны лінгвістычны ўніверсітэт (МДЛУ) афіцыйна памяняў сваю назву. Цяпер ён называецца Беларускім дзяржаўным універсітэтам замежных моў (БДУЗМ).
На сайце былога МГЛУ з’явілася навіна, што 6 жніўня 2025 года міністр адукацыі Беларусі афіцыйна зацвердзіў перайменаванне ўніверсітэта і ўнёс адпаведныя змены ў яго статут.
Акрамя таго, 8 жніўня Мінскі гарадскі выканаўчы камітэт зарэгістраваў новую назву ў адзіным дзяржаўным рэестры юрыдычных асоб і прадпрымальнікаў і выдаў адпаведнае пасведчанне.
На рускай мове ўстанова будзе называцца Белорусский государственный университет иностранных языков (БГУИЯ), а на англійскай — Belarusian State University of Foreign Languages (BSUFL).
Ужо старую назву «Мінскі дзяржаўны лінгвістычны ўніверсітэт» ВНУ атрымала ў 1993 годзе, а раней яна называлася Мінскім дзяржаўным педагагічным інстытутам замежных моў.
Гэтае перайменаванне відавочна звязана з тым, што ў лістападзе 2024 года на гэту «праблему» звярнуў увагу сам Лукашэнка. Паміж ім і ягонымі чыноўнікамі тады адбылася размова, якую працытавалі прапагандысты:
— Быў іняз.
— Быў.
— Ну а чаго мацернымі словамі абазвалі?
— Гэта дакладней, лепш ці модна было?
— Была такая мода — пераймяноўваць.
— Быў інстытут — стаў універсітэт.
— Калі пытаюцца дарогу, кажуць: дзе МДЛУ не ведаем. А іняз…
— Гэта ж мацернае слова.
— Як наргас.
— Ледзь не ЛГБТ.
Раней у Віцебску перайменавалі факультэт, назву якога Лукашэнка назваў «мацернай».
У мінскім метро праходзяць выпрабаванні новыя цягнікі ФОТЫ2
Каментары