Іван Дорн праспяваў у Варшаве па-ўкраінску з беларускім вулічным музыкам
Украінскі выканаўца Іван Дорн праспяваў разам з вулічным музыкам з Беларусі Іванам Абрамавым, які выступае ў Варшаве. Для дуэта Дорн прапанаваў песню «Стыцамен», перакладзеную на ўкраінскую. Відэа набрала больш за 400 тысяч праглядаў, заўважыў «Мост».
Іван Абрамаў часта выкладвае ў сябе ў блогу ролікі, як падыходзіць да мінакоў і спявае для іх. Ролік з Дорнам зняты ў той жа манеры. Беларус падыходзіць з гітарай і пытае па-руску ў Дорна, які сядзіць на лаўцы, якая ў яго любімая песня. Той пытае, ці разумее хлопец па-ўкраінску, і прапануе праспяваць сваю любімую песню.
Ці было выкананне экспромтам або нарыхтоўкай, сказаць цяжка. Але Абрамаў у каментарах напісаў: «Вось так на вуліцы нараджаюцца новыя хіты», — і паставіў смайлік.
У каментарах прыхільнікі Дорна падзяліліся ў сваіх ацэнках. Хтосьці дзякаваў яму за пераклад песні. Але выкананне па-ўкраінску спадабалася не ўсім.
«Рэспект за ўкраінскую, але гэтая песня не перакладаецца. Няхай будзе арыгінал», — напісаў адзін з каментатараў.
Пад відэа — каля 12 тысяч лайкаў.
Цяпер чытаюць
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?27
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць88
Каментары