Беларусь будзе прадстаўлена чатырма клубамі ў еўракубкавым сезоне-2027/28
Наша краіна не апусціцца ніжэй за 50-е месца ў пяцігадовай табліцы каэфіцыентаў УЕФА па выніках цяперашняга сезона, паведамляе football.by.
Гэта стала вядома пасля таго, як люксембургскі «Дыферданж» і сан-марынскі «Віртус» не змаглі прабіцца ў агульны этап Лігі канферэнцый.
Важна, што як і «Нёман» у супрацьстаянні з «Райа Вальекана», так і «Дыферданж» прайграў абодва матчы плэй-оф косаўскай «Дрыце» і, не прынёсшы сваёй краіне балаў, пакінуў Люксембург ззаду Беларусі.
Сан-Марына ж тэарэтычна магло абыйсці нашу краіну толькі ў выпадку траплення «Віртуса» ў асноўны этап.
Перад стартам раўнда плэй-оф кваліфікацыі Беларусь займала 48-ю пазіцыю ў табліцы каэфіцыентаў УЕФА. Па выніках сезона, нашу краіну цяпер могуць абысці толькі Паўночная Македонія і Гібралтар, чые прадстаўнікі («Шкендыя» і «Лінкольн») будуць гуляць на восеньскай стадыі еўракубкаў.
Такім чынам, Беларусь у любым выпадку застанецца сярод 50 лепшых і атрымае чатыры пуцёўкі для ўдзелу на еўраарэне ў сезоне-2027/28. У 2026 годзе ж ад нашай краіны ў еўракубках стартуюць толькі тры прадстаўнікі.
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе11
Каментары