«Экстрэмісцкім» стаў і ролік «Мы беларусы», які грымеў амаль 10 гадоў таму
29 жніўня Міністэрства інфармацыі зноў абнавіла Рэспубліканскі спіс экстрэмісцкіх матэрыялаў. У яго трапілі і сацсеткі блогеркі пад псеўданімам Данута Хлусня. Аказалася, што шчэ ў красавіку ў спіс унеслі яе YouTube-канал, а разам з ім «экстрэмісцкім» уладамі прызнана і вядомае відэа «Мы беларусы», заўважыла «Люстэрка».
Аўтаркай канала з’яўляецца Наталля Богданава з Гомеля. Яна пачала яго весці амаль дзесяць гадоў таму. Адным з першых відэа стаў ролік «Мы беларусы», у якім пляменніца Наталлі, чытаючы дзіцячую кнігу, не стрымлівае слёз.
Дзяўчынка са слязьмі ў голасе чытае фразы: «мы беларусы», «мы маленькія грамадзяне», «нам добра ўсюды — у парку, у полі, на рацэ». Пасля чытання жаночы голас пытаецца: «Табе добра?» — і дзяўчынка адказвае «так», працягваючы плакаць.
Відэа было загружана ў лістападзе 2016 года і хутка разышлося па інтэрнэце. На арыгінальным канале яно сабрала больш за 270 тысяч праглядаў. Сёння яго гераіні ўжо больш за 16 гадоў.
24 красавіка суд Светлагорскага раёна прызнаў YouTube-канал Наталлі Богданавай экстрэмісцкім матэрыялам.
Гамяльчанка сышла з БТ і стварыла свой канал без цэнзуры: топ-5 смешных ВІДЭА
Затрымалі аднаго з удзельнікаў ювелірнага брэнда Belaruskicry Ягора Бужылава. Прапагандысты паказалі яго
Спявак Дзядзя Ваня страціў працу. Ён усё яшчэ адбывае хатнюю хімію
Адміністратар беларускай Вікіпедыі Максім Лепушэнка выйшаў з СІЗА, атрымаўшы хатнюю хімію
Цяпер чытаюць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам12
Каментары