Коўл: Мяч быў на нашым баку, мы павінны былі нешта зрабіць. Трамп хоча гэтых адносін

— Перамовы працягваліся два дні. Наколькі гэта складана, і калі мы можам чакаць наступных [вызваленняў]?

Коўл: Мы дамагліся вызвалення агулам больш за 68 чалавек і вядзём перамовы, каб вызваліць усіх. Лічба вагаецца, скажам, каля 1300 чалавек павінны быць вызваленыя. Я не ведаю дакладнай лічбы. Але, у любым выпадку, перамовы ідуць.

Я размаўляў з прэзідэнтам Беларусі на гэты конт. Мы гаворым пра гэта ўжо некалькі месяцаў і набліжаемся да таго, каб нешта зрабіць. І я лічу, што сённяшняе вызваленне 52 чалавек было вельмі добрым жэстам.

І мы яшчэ пагаварылі пра іншыя рэчы. Наша мэта тут — нармалізаваць адносіны паміж Злучанымі Штатамі і Беларуссю. Мы не збіраемся ўмешвацца ў яго адносіны з Пуціным. Гэта не наша гульня.

Але мы спадзяёмся на добрыя адносіны з Беларуссю, у межах якіх мы зможам развіваць гандаль і шмат іншых рэчаў, карысных для абодвух народаў. Вось такая сітуацыя на гэты момант.

Прэзідэнт Злучаных Штатаў і прэзідэнт Беларусі… Я арганізаваў тэлефонную размову, якую прэзідэнт Трамп правёў з борта нумар адзін каля 10 дзён таму. Ён ляцеў на Аляску, так што гэта было ў той дзень. У іх была вельмі добрая размова, і гэтыя лічбы былі агучаны.

 — Вы сказалі, што галоўная мэта — палепшыць адносіны паміж ЗША і Беларуссю.

Коўл: Правільна.

— Але хіба першасная мэта — не спыненне рэпрэсій у Беларусі і вызваленне людзей?

Коўл: Усё па парадку. Вядома, правы і ўсё астатняе [важныя], але я раблю гэта крок за крокам. Спачатку трэба наладзіць адносіны.

Мяч быў на нашым баку, мы павінны былі нешта зрабіць, таму што яны вызвалілі 14 чалавек каля месяца таму. Таму цяпер мы павінны былі дзейнічаць. І тое, што мы зрабілі, — гэта знялі санкцыі з авіякампаніі, што і адбылося сёння.

Пасля гэтага мяч апынуўся на іх баку, і яны сёння вызвалілі 52 чалавек. Цяпер мы прыдумаем нешта ў адказ. Але я хачу паскорыць гэты працэс. Я хачу, каб у нас адбыліся амаль што вялікія перамовы, якія б уключалі нармалізацыю адносін.

Павялічыць

— Ці не маглі б вы, калі ласка, расказаць, што цяпер адбываецца на мяжы? Калі [казаць] пра Міколу Статкевіча, дзе ён? І які ў яго план?

Коўл: Я быў у Беларусі. Я не ведаю.

— Спадар Коўл, але ці разумееце вы, што Лукашэнка больш зацікаўлены ў тым, каб вы знялі санкцыі? Гэта азначае, што ў вас ёсць казыры, каб прапанаваць яму нешта і патрабаваць вызвалення большай колькасці людзей, што ініцыятыва на вашым баку.

Коўл: У мяне ёсць свае казыры, і санкцыі — іх частка. У яго на гэты момант таксама ёсць свае казыры, і гэта — вызваленне зняволеных. Гэта будзе развівацца па меры развіцця перамоваў. Усё не робіцца за адзін дзень. Гэта патрабуе шмат часу і выбудоўвання даверу, бо паверыць можна, толькі ўбачыўшы вынік.

— Не, я меў на ўвазе, што ў вас больш падстаў, каб выстаўляць умовы і патрабаваць вызвалення большай колькасці людзей у абмен на зняцце санкцый. Вы гэта зрабілі?

Коўл: Не, не зрабіў.

Чаму?

Коўл: Я толькі што завяршыў працу па вызваленні 52 чалавек.

— Але ж там больш за тысячу чалавек. Там больш за тысячу чалавек у жудасных умовах.

Коўл: Я толькі што ўсім патлумачыў план, як гэта зрабіць. Ну, калі вам не падабаецца гэты план, можаце самі выступіць на тэлебачанні.

Прэзідэнт Трамп папрасіў мяне рабіць тое, што я раблю. Прэзідэнт Трамп хоча гэтых адносін. Ён хоча, каб яны працягваліся і развіваліся. І гэта тое, што мы робім.

— Як вы думаеце, ці дэпартуе Лукашэнка ўсіх палітвязняў?

Коўл: Вы маеце на ўвазе вызваліць іх?

— Дэпартуе з краіны…

Коўл: Спадзяюся.

— Сёння новыя людзі былі прызнаныя палітвязнямі. Вам не здаецца, што вызваленне ўсіх палітвязняў ператворыцца ў бясконцы працэс? Сёння 52 былі вызваленыя, а 8 новых палітвязняў з'явіліся.

Коўл: Мне пра гэта невядома.

Павялічыць

• 6
• 1
• 1
• 18
• 0
• 2
• 6
• 0